شعر عراقي حب

شعر عراقي حب تمت الكتابة بواسطة: ابراهيم قاسم آخر تحديث: ٠٧:٤٠ ، ١ سبتمبر ٢٠٢٢ ذات صلة شعر عراقي غزل اشعار عراقية عن الحب أشعار حب العراق أجمل أشعار عراقية حزينة محتويات ١ قصيدة: أحبّك مو لأن أنت حلو ٢ قصيدة: محتاجة كلش إلك ٣ قصيدة: أحبّك ٤ قصيدة: يا كمر ٥ قصيدة: أكو واحد ما أمله قصيدة: أحبّك مو لأن أنت حلو قال عبد الحسين الحلفي: أحبك مو لأن أنت حلو... لا لأن روحي التقت كبلي ولك بيك إذا إنت تمُّر ع الأعمى يصيح الله والأخرس لَّون حاچيته يحاچيك أذب كلبي على سهمك وآنه مجروح وأكلك دير بالك أخاف أأذيك إجرَّحني ولك بس كون عالكيف لأن إنت ويَّه دمي وخاف أبديِّك إجرحني ولك بس كون ما موت حتى مِن يتهموَنك أبريّك على المراية وكفت ما شفت وجهي وشفت وجهك طلعلي وكمت أحاچيك وثبت بمرايتي وجهك مرايات وأباوع وجهها مرايتي بيك بكذلتك شِّد ركبتي وطلع الروح أريدنها بعد تتكرب عليك أنت بحضني وأكول بعيد أريدن هيچ كون آنه انخبط بيك بيا شارع مشيت كبالي ألاكيك أفوت بغير شارع هم ألاكيك أرد للبيت كبلي الكاك بالباب اطب كبلي تطب وتكلي أتانيك بغيرك فكّرت كلت آنه أنساك طلع غيرك يشبهك وفكرِّت بيك طلع غيرك يشبهك وفكرِّت بيك قصيدة: محتاجة كلش إلك قالت: شهد الشمري: فيديو قد يعجبك: محتاجة كلش إلك يلي شاغل أنت الفكر محتاجة إلك مو حجي وارتاح من ينذكر هنيّاله من كابلك يا أحلى صورة شعر زعلان؟ ليش الزّعل زعلان آنه اعتذر بس ارجع لخاطري صير على نحري صير على جفني كحل حليني بين السمر تعبني ذرف الدمع بس ما طفالي الجمر بركان في داخلي وياخوفي لاينفجر شمأخرك ماتجي ما ظل الك كل عذر اهلال جرحك كمل آي كمل وأصبح بدر صدكني حيل أتعبت حبك عسر مو يسر اترجيت وتوسلت بيك شكثر وشكثر ما فاد بيك الرجه وجبرتني لهل أمر ما بعد اضلن شهد خليك مني حذر واحجيهه لاتستحي كول أنت طبعك غدر حبك تحية صبح ما تلفض بالعصر روح وبعد لا ترد شي عادي صار الهجر الما عرف معنى العشك ما بعد أحطله كدر جانت درجتك ألف بس هسه صارت صفر قصيدة: أحبّك أنا بس بالكلام وذايب بحبّك وأفكر بيك أنا في ليلي ونهاري إذا شفتك صدّك شو يصير أنا بحالي أظن يغمى عليّ وأفقد إبصاري تعال وصير إلي بالحب غطا وفراش ودفّيني بحنانك واعرف أسراري أحبّك كالطفل من يهوى صدر أمّه يموت من القهر لو فطمته إجباري زرعتك بالعشق وردة وصرت لك ماي غصن حبّك شرب من أعذب أنهاري أنا بدونك مثل بيت أنهدم ساسه تعال ابني أساسي وابدأ أعماري حبيبي ارحم بحالي حن على قلبي أنا بهجرك دمع بعيوني ضل جاري صرت أنت بقلبي كالنّبض والدم وسمّيتك حبيبي ملهم أفكاري تعال وخلي أيدك تشبك أيديّ واحضنّي وطفّي بالعشق ناري قصيدة: يا كمر بهيدة على بختك يا كمر، مساهر وأريد أشكيلك إنه غريب ابدنيتي مضيّع وأدور ابليلك عن ربعة أهلي، ودلّة الديوان ومواويلك عن ضحكة البربين لعيون الدلو عن رقصة الصفصاف والماي الحلو عن صحبتي، وخلاني، وعيون النّهر بهيدة على بختك يا كمر يا غربتي غربة عصافير التودع عشوشها برفّة جنح ويا دمعتي دمعة الكاع اللي تبكي موت أهروشها بجيت الملح يا دار أهلنا الطاهرة مر العمر عيون الحب امساهرة وما مش خبر بهيدة على بختك يا كمر وك يا كمرنة مروتك حنّي الشواطي بدمعتي كلهم كبرت أعله الصبر والونّه صارت غنوتي مشتاق أبوسن دجلة وأشرب مايها وأعزف ترانيم المحبّة بنايها دجلة الهوى، والسّوق، والحب، والسّهر بهيدة على بختك يا كمر قصيدة: أكو واحد ما أمله قال الشاعر كرار الجابري: أكو واحد ما أملّه هو قلبي ونبضه كلَّه اصفن بعينه وأكُله حيل أحبك أكو واحد ما أتركه وبلايه صوته الدّنيَا خنكه متفاهمين اي وأبد لا ما نَختلِف حبنا عن حبّ هسه يعادل ألف