ابوذيات حب رومانسي

لتظن نار گلبي اعليك .. تبرد
وبعد كل الحچيته وياك .. تبي رد
اشوكت ماجيتك بالسچين .. تبرد
دهاك اذبحني هو اشظال بيه



حبيبي شلون ماحبك ولابيك
وامك ماتحن مثلي ولا بيك
يكون لوعاتك بية ولابيك
وحول كل الم منك اليه

احبك واليمانع من وريدك
وحس بكلبي ينبض من وريدك
كل الي صار بية من ورة ايدك
وبعدني اهواك انة مو بدية


نثرت دموعي للاسمر والاكحل
وصبغ وجانتي على خدودي ولك حل
صدكني سهل انت ولك حل
احلك لو ترد انت علية

ابوذيات عيد الحب ، ابوذيات عراقية ، ابوذيات عشاق ، ابوذيات حب رومانسية ، ابوذيات لعيد الحب ، ابوذيات حب جديدة

على ضيم الهوى ياروح علمي
وبيها ارفعت اني اليوم علمي
اسالتها المستوى وتكول علمي
بخامس باء يالتسال عليه


قلبي انت ملكته وانت حر بيه
عليل وطبي عندك وانت حر بيه
كاس السم اشربه وانتحر بيه
اذا غيرك يمس اطراف ادية


هنّي كلــبي اليحبـــك ابـــيوم عيـده
عله وصلك باقي وماناسي وعيـــده
واترجه من رب السمه دومه يعيده
بالصحه والهنه واحنه سويه


محبوبي من تكبل علي عندي عيد
واترجـه مرات تسامحني وعيــــد
مر وانشــد علـي بــس ابعيـــــــد
شكد جنت طيب وصافي النيه




هلي وياهم چنت عايش بلاهم
ونهاري شماضوى مظلم بلاهم
هلي مدري الوكت شنهو بلاهم
ولاهم اعرفوا بالصار بيه


الك ياصاح ماظل مني خاطر
واحسبه احساب دربك من اخاطر
تعال كرب حبيبي مني خاطر
تعرف اجنون حبك اسوه بيه