الامثال تضرب ولا تقاس

·
مع جل احترامي والامثال تضرب ولا تقاس
لا تصير مثل چلب الحايچ !!
يگولون يوم من الايام هجم ذيب على قرية وهاي القرية اغلبهم غنامة عدهم غنم ، فهرعت الچلاب ( أجلكم الله ) مالت القرية وراء الذيب..
الذيب يركض :؛تكرمون //
والجلاب تركض وراه وبعد ما تعبت الكلاب رجعت للقرية إلا( كلب) واحد ضل يطارد بالذيب ::وهناك تعب الذيب ...
فوگف وگال للچلب :؛؛؛،
انت چلب صاحب الغنم ؟؟؟
قال الكلب : لا ...
الذيب سأله مرة اخرى
أنت كلب شيخ القرية ؟؟
قال له : لا ....
قال : انت كلب ابن الشيخ ؟؟؟؟
قال لا ..
فالذيب گاله …لعد انت كلب من ؟؟؟
مو خبلتني !!!!
گاله أني كلب الحايچ ...
قال له الذئب ::الحايچ عده غنم ؟؟
قال ..لا ولا صخلة عده ...
قال له الذيب :
زين الغنامة من يذبحون هم يطونك
عظمه لحيمه ؟؟
قال الكلب ::لا ماينطوني ينطون
بس لجلابهم ...........
فقال له الذيب وهو معصب:-
ولك چلب ابن الچلب اليوم أسويك ثريد وعبرة لكل چلاب الديرة صارلك ساعة تركض وراي (والحايج )حتى صخلة ماعنده وكلشي انت مامحصل منهم ؟؟؟؟؟
وانت موتتني من التعب ولك اليوم
الة اثرمك ثرم
رباط السالفة ،،،،،،،،،،،،
--أكو جماعة يدافعون عن السياسيين الفاسدين وهمه كاتلهم الجوع وحتى صخلة ماعدهم ؛؛؛؛
وكلما واحد ينزل منشور عن سياسي فاسد ينتقده لفساده أو إهماله أو تقصيره ::
ياعمي دكعد راحة ،، دروح دورلك خبيزة لعيالك ؛؛؛
هسة انت شمحصل منهم ::