اجمل ما كتب في دارميات غرام اليل

مانمت ربع الليل نشدوا المخده
وآنه حلمت بهواي خدي على خده
***
بالحلم شفتك طيف كحلت العيون
نايم وافكر بيك من أغفه أشلون
***
ليل وكمر محلاه عالمتن زلفه
يانسمه بوسي اهواي وخذيلي رشفه
***
على الصوره اضل سهران وبذكره اغفه
يرحل يروح ابعيد ولو حدي اصفه
***
يكثر ونين الروح من يجبل الليل
مل مني سابع جار وتعمد أيشيل
***
صافن واريد النوب كون اغفه وانساك
تاليه صوره وصوت بالحلم الكاك
***
مايمر ليل ويوم وذكرك عليّ فات
طيفك يسر الروح ساعاته حلوات
***
خلي الليالي اجور بانكس فعله
كل ما تسوي وياي متوطن آله
***
ابجي بتوالي الليل بس ابجي بهداي
والفجر لوله اعيون جا دمع وياي
***
اشكد طويل الليل بالآه احسه
مثل العليل اكضيه حسبه على حسبه
***
اسأل نجوم الليل عنك تجاوب
والكلب سال سلاح يمكن يحارب
***
هاروحي نص الليل هاشو كعدتي
حكج مالوم عليج لنج ذكرتي
***
روحي بتوالي الليل تنشدني عنك
كتله راح انساه كالتلي فنك
***
مل مني حتى الليل والكمر شاهد
بس بيك افكر دوم للفجر كاعد
***
ياكمر تالي الليل سمعني الاخبار
نايم حبيب الروح لو مثلي محتار
***
ليل وشته وبردان ماتدري حكك
مادفه حتى بنار أدفه بشبكتك
***
صح من انام الليل وتغمض اعيون
بس الكلب والروح بيكم يفكرون
***
سبحان من خلاك تنطيني ظهرك
موجنت نص الليل صدري على صدرك
***
عيوني تبجي عليك لادم ولا ماي
تبجي سواد الليل بس يرجع هواي
***
انهجم بيت الليل اشطوله بجفاك
شو يمر مثل الطيف من اكعد وياك
***
اكره قطار الليل كل مشيه صايح
ماخذ احباب الروح للبصره رايح
***
عونه الينام الليل خالي من الهموم
يطرن عليّ حسبات وي لذة النوم
***
اتمنه نجمة ليل وانزل على غطاك
وبحجة البردان وتلفلف وياك


يكثر ونين الروح من يجبل الليل
مل مني سابع جار وتعمد أيشيل


***
صافن واريد النوب كون اغفه وانساك
تاليه صوره وصوت بالحلم الكاك
***
مايمر ليل ويوم وذكرك عليّ فات
طيفك يسر الروح ساعاته حلوات


روحـي رافگـدت ونــهه #ولمهـه
وغـلاتك مـايصح غيرك #ولمــهه
لاهـي مطـشرة خــلافك #ولمهه
ولاشــوگــك رضــا ينزاح بـــــيه

رد مع اقتباس رد مع اقتباس

سبحانه من سـواك نص وجهك إعيــون
إزغيــر سبيت الناس من تكبر شلون


ارد انشد الصباغ هم يصبغ اكَــلوب
اصبغ دليلي اعليك واحزن فرد نوب



سـلَم ولَو بالعين تكفي الإشــاره
روحي إبتلت بهواك .. سويلي جـاره


كل ما يجي الليل أذكر وفـاكم
واذكر محاشي الطيب وابجي أبرهاكم


شلونـك.. شلون الدار .. وشلون الأحباب
أذكر جرح بجلاك خبـرني ما طـاب

همي الليالي اتعود واتعاتب أوياك
احجايه للشمات خلاني فركَـاك






منك سمعت الاه كثرت جراحـي
وشبيدي خوية اعليك كَصوا جناحي




يحمل وفى والطيب والرقه كلــها
أوكل مشكله ابهالكون بس يمه حلها




سبحان من خلاك تقسي ابغرامك
جانك اتداوي اجروح رق بكلامك



أرد أسـأل العشاك ليش آنه مشتــاك
نايم إبحضن إهـواي واشكي من الفراك


شحجي شكَل للناس من همي شحجي
مليان بالحسرات بس احجي ابجــي


عمداً أمر بالدار وأشبع مغمــه
وابجي بجي المفطوم ومفارك أمه


علمني عالنسيان ارد انسى ضيمـك
وي غيري كَمره اتصير بس حصتي ضيمك

لاخرزه لاكشاف
من الله احبكم
روح وگلب وعيون
ناذرهن الكم
==============
لو بالوفه والطيب
نمنح شهادات
چان انته ماجستير
بالطيبه والذات
==============
وردة اصبحت هالروح
تذبل بدونك
شنهو الحياة بغير
شوفت عيونك
==============
لو فد سباق ايصير
ياهو اجمل الناس
وانذب عليك اتراب
هم تاخذ الكاس
==============
بكل حلو لوله اتصير
بس شحچي عنك
صارت اللوله البيك
حته احله منك
==============
فرغته گلبي وصار
بس الك وحدك
يعني امن اعد اعزاز
بس انته اعدك
==============
مانگدر انصد ليك
نتكهرب انموت
تكتل حلاة البيك
خن غمض وفوت
==============
أشكثر عندي اعزاز
بعيوني ذني
وانته اعز من كل ذول
حته اعز مني
==============
راح اخبر السلطات
واهلي وعمامي
من عندي گلبي انباگـ
وانته الحرامي
==============
تدري الحلاة البيك
وصلت إلى حد
چن گمر تالي الليل
من تلبس اسود
==============
إسمك طبع بالروح
وبدمي يجري
غيرك فلا حبيت
بس الله يدري
==============
روحي قصيدة شوگـ
واكتبها بيدك
واشعل اسنيني اشموع
من يمر عيدك
==============
بالعيد اشوفك وين
يالشوفتك عيد
مشتاگه روحي اليوم
وتشوفك اتريد
==============
هاك العمر واختار
من عنده شتريد
بس كون اگضي اوياك
صبحية العيد
==============
العيد اجانه العيد
اشلون اهنيك
أهديلك آنه العين
لوبيها اخليك؟
==============
إنتي الذهب والماس
والجوهر انتي
والدنيه تصبح عيد
كل ماضحكتي
==============
بالسنه ثنين اعياد
أسمع يگولون
وكل ضحكة منك عيد
ياحلو العيون
==============
گالولي باچر عيد
إلمن تعايد
مادروا إنته العيد
وبگلبي گاعد
==============
الگلب گبل الناس
إتعنه دارك
ملهوف اجاك ايگول
عيدك امبارك
==============
فرحة وسعادة انطيك
بس گلي شتريد
ومني اخذ بوسات
من هسه للعيد
==============
عيدية الك بوسات
ما منها موجود
تطبع على الدلال
لامو عالخدود
==============
خلني بعذاب الشوگـ
مارايد العيد
چي لنك انته اليوم
عن عيني ابعيد
==============
لو اريد اعد اعزاز
لاترفع ايدك
هيه المعزة اتگوم
واتگول اريدك
==============
بعمري اشتري الطيبين
واطلب رضاهم
واتمنه روحي اصير
نجمة بسماهم
==============
رقة وترافة وطيب
شايلها گلبك
كلهن جمعهن بيك
سبحانه ربك
==============
لو ضايج ومخنوگـ
وتريد احاچيك
دگلي انته بس مسكول
وآنه اتصل بيك
==============
لك هذا يامجنون
ناقلك اخبار
عندي رصيد اهواي
ومطشرة طشار
==============
عيوني إلك دولار
وارموشي سنتات
ولو هم رصيد اتريد
آنه اشتري الكارت
==============
لامسج لامسكول
لاتذكرونه
يمكن شحن مابيه
لو نسيتونه
==============
مو صوچك انته الصوچـ
كله امن اديه
سويتلك مسكول
تفتح عليه
==============
كافي جفه يحباب
سمعوني حسكم
كلما تدگـ نغمات
حسبالي إنتم
==============
أرسل وادگـ مسكول
ميردلي اشبيه
صامت ومو هزاز
يمكن مسويه
==============
لمن تدگـ مسكول
يابويه شيصير
يرگص رگص ماصار
الگلب وايطير
==============
ياشمعة لاتطفين
ماعندي لالة
لازم لولف الروح
أكتب رسالة
==============
كلما أدگـ اعليك
مترد على طول
لو حجتك سنتات
سويلي مسكول
==============
وين الرسايل وين
مدز اليه
هنه خمس سنتات
تعزهن عليه
==============
من الله طاح اليوم
رقمك بإيدي
واعليك اخلص الروح
مو بس رصيدي
==============
تستاهل انته الروح
شنهو الرسالة
ولو خلصيت الكارت
دمي ابداله
==============
ظلن خمس سنتات
ماريد اعزهن
بيهن رسالة شوگـ
لهواي ادزهن
==============
مارمش النقال
گلبي اللي رمش
يلهج بإسمك دوم
خجلني كلش
==============
فرمتت هاي الروح
من كل الاوهام
واول إسم حطيت
إسمك على الرام
==============
جيتك غفل يهواي
ناوشني بوسة
دزها برسالة بساع
لاسوي هوسه
==============
يمك تريد الروح
تسكن وترتاح
معذبني هالنقال
مايرسل ارواح
==============
لامسج لامسكول
چاشنهي فلمك
دزلي رسالة بساع
لاأمسح اسمك
==============
سرحان بالحسبات
مسكول اجاني
من شفته منك جاي
رأسا حياني
==============
كل ساعة اسو مسكول
ماترد يفلان
گلي شحن مابيه
لو مني زعلان
==============
خلص رصيدي اليوم
واسمك حمسحه
كل ماأسو مسكول
بيدك تفتحه
==============
ناذر نذر للناس
لمن اترمش
أگعد بنص السوگـ
وبراسي املش
==============
خاطر إليه اوياك
لو مالي خاطر
منك رسالة انريد
ماگلنه خابر
==============
الشحن عندي اهواي
والتغطية فول
بس من ادگـ اعليك
يطلعلي مشغول
==============
فايخ حبيب الروح
نايم على الريش
خايف على السنتات
گاضيها ترميش
==============
مخلص رصيدي چان
وهسه اشتريته
واول مسج دزيت
بسمك بديته
==============
غالي وعزيز اهواي
وافراگك ايهون
وهاي الخمس سنتات
فدوة لهالعيون
==============
من گلبي اسوي ارسال
وارسلك الروح
واگلب الدم سنتات
واتحدى الجروح
==============
أشحن واعبي الكارت
واصرفه بيومين
خلص الراتب بيك
وحگضيها بالدين
==============
مو خوفي عالسنتات
فدوة الك الفلوس
بس صاير النقال
مايرسل البوس
==============
لارنه لاترميش
لامنك اخبار
ردنه خمس سنتات
ماردنه دولار
==============
دگـ گلبي ست دگات
وانگلب هزاز
نقالي هم شيطان
يعرفهم اعزاز
==============
صح آنه گاطع بيك
صوت ورسايل
بس اشكثر بالروح
شوگـ الك شايل
==============
أنشد عليك الطير
وانشد هوه الهاب
صدگني ماأنساك
ياأغله الاحباب
==============
لاتظن حي وانساك
وبعيني رسمك
إسمي الثلاثي انساه
وماانسه إسمك
==============
لاتظن وانته بعيد
تنساك الگلوب
رسمك بنص العين
وبگلبي مكتوب
==============
ثاري الگلب بالشوف
أقوى من العيون
يعني التضيعه العين
بالگلب مدفون
==============
متوسد انته الروح
وبنصها غافي
كل البشر مغشوش
بس انته صافي
==============
حته الگمر بالليل
بعيوني شفته
صارت گباله وغاب
واتخيل انته
==============
وردة وعطرها ايفوح
واتمنه اشمها
كل البنات اضيع
من تمشي يمها
==============
أعتب عليك اهواي
ياضي الشموع
ليش المسج وياي
من فترة مگطوع
==============
گلبج وگلبي اثنين
واحد دربنه
هم وتعب واشواك
عذبنه حبنه
==============
أشلع اهدوب العين
وخيط جروحك
ونتبادل آنه اوياك
روحي اويه روحك
==============
گلب الوفي صندوگـ
وبيدك المفتاح
أمن اسرارك بيه
وبنومك ارتاح
==============
أحلم واسولف بيك
واحلف براسك
النجم لو مر بيك
دنگ وباسك
==============
أهديلك البوسات
كلهن فرد نوب
لو غاروا العذال
طبهم ألف طوب
==============
ردتك تجيني اليوم
وبعيني اشوفك
وشلون اصبر الروح
من گتلي اعوفك
==============
صح من انام الليل
واتغمض العيون
بس الگلب والروح
بيكم يفكرون
==============
انخاني شوف اشلون
راح انتخيلك
اتعكز اعله اضلوع
صدري وأجيلك
==============
گطعني ذبني بنار
واحرگني بيدك
ألتم وارد اردود
بس گول اريدك
==============
شدني بجذع من نار
وارميني چيلات
يدفنوني اجيك بليل
بالگبر مابات
==============
الگلب تالي الليل
فز فرد فزه
لو للحبيب اتروح
لو نحري احزه
==============
لا تعتقد ناسيك
دوم بخيالي
من دگت النقال
أعرف الغالي