ابوذيات دارميات عراقية

ابوذيات دارميات عراقية



علية احجار هذا الحلو شمر
ابو شعر على المتنين شمر
سألت على العشيرة وكال شمر
خوالي وعزت الدنية علية
....................................
هواية اشياء بكلبي طم طمتهة
وعلية اتراب اخلي طم طمتهة
بدية اموت روحي وطم طمتهة
ولا لسان العدو يحجي علية
....................................

يفز كلبي بتوالي الليـــــــل ويروح
يمك يلي مليته همــــــــوم ويروح < جروح >
عشرتي وياك عشرة جسد وي روح
اذا تتركني اموت اشلون بيــــــــه

تركني بحالي لاميت ولاحي
وماضل شارع اسأل بيه ولا حي
وابد ماانساكم وانا حي
ويضل حبكم عزيز وغالي علية
..........................................
وحك التعبدة الناس واحد
حبيب الكلب مو اثنين واحد
اذا للقلب ردت اختار واحد
اختارك الك وانسة البقية
...................................
راحن مراسيلي لوليفي ولاجن
لاانسي تشبه اوصافة ولاجن
اسكر بحبك ترة لاابيرة ولاجن
حبيب الروح بس اسأل علية
.......................................
يمن بأروع خلق شخصك تحلة
عسن ايامك ياغالي تحلة
سؤال اسئل الك واجب تحلة
من هو الاعز من روحي الية؟
........................................
اثيابي من جمر نارك دولي
اجرحتني وماظن ينفع دوة لي
علية شبيك متكبر دولي
حبيبي انت شنو بالنسبة الية؟


هجرت القلم من بعدك والكتاب
ودليلي من العشك بطل ولك تاب
وحك العرش والكعبة والكتاب
تضل انتة اعز محبوب الية
------------------------
عليك اشكد رجف كلبي وداري
ولجل عينك بعت ملكي وداري
أظنك تعلم بضيمي وداري
شكد احبك وانت تضحك عليه
----------------------------
ليش من اغمض العين رسمك يجيني
مدري انته رمش العين مدري انته عيني
----------------------------
اليريد الحلو لابد ويامر
وحبيب الروح يدلل ويأمر
اصيرن نار من يبعد ويامر
وارد قالب ثلج لو رد عليه
---------------------
فصوص العين فص يمي وفص لك
يامن يوسف انت أصلك وفصلك
أخيطك بيدي تدريني وفصلك
واجيبك فيت يلترهم عليه
--------------------------
أحلى مابيك ومن صفاتك وصلك
أروح وياك للشمس لو تريد أوصلك
ولو تصير بآخر العالم على رموشي زحف أوصلك
ميت وبشوفتك ترد الروح بيه
--------------------------------------
احبك حب ابد مامر على الناس وماصدك يحب مثلي شخص ثاني
واذا الي يحب يصبح صدك مجنون وانا مجنون رسمي ودمعي عنواني
احبك والله احبك احبك حب يسري بدمي بالشريان فرحني شهر وسنين بجاني
-----------------------------------
اذا امرض سبب علتي محبتك هاي واذا اشفه غرامك هوه شافاني
واذا اشوفك اكول الف الشكر الى الله انا كل ماتمنيته ربي انطاني
----------------------------
قدر مكتبو حبك من تقسمه
والواحد ماله ناتج من تقسمه
لون بسيوف گلبي من تقسمه
وتشوف محبتك شمسويه بيـــــــ9
---------------------
كلبي شما اطشره يرد صامت
وروحي من حزنهه عليك صامت
شما اخلي الجهاز بوضع صامت
يصرخ من تدك انت عليــــــــــــه
------------------------
اتمنى قلبج يوم يوگع بديه ... وأقفل عليه الباب واشبعه اذيه
-----------------------
مو بالقلب بالروح رايد اخليك *** واكتب خطر ممنوع محد يمر بيك
------------------------------------
أنا أديت العلي بس انت شأديت
وعلية حروب وي دنياي شديت
طحت إكبال عينك وصلة شديت
وهجع وسفة كمت تركص علية00
’’’’’’’’’’’’’’’’’’’’’’’’’’’’’’’’’’’’’’’’’’’’’’’’’’
تذم بية وتكول اترك ولك حل
والك واهس علي تقسي والك حيل
كتلك من دست جرحي ولك حيل
لكن بالهجر تجني علية..
÷÷÷÷÷÷÷÷÷÷÷÷÷÷÷÷÷÷÷÷÷÷÷÷÷÷÷÷÷÷÷÷÷÷÷
عيوني من الدمع لجن وغارن
وعلى حيل الهجر هدن وغارن
اموتن من تحب غيري وغارن
اريدك بس تحبني وهاي هيه
أأأأأأأأأأأأأأأأأأأأأأأأأأأأأأأأأأأأأأأأأأأأأأأأأأ
يروح الروح للمحبوب شهدي
انا النحلة النحيلةوخلص شهدي
حرت للغالي غير الورد شهدي
الورد بس للورد يصلح هدية
////////////////////////////////////////////////////
كلبي كثر وناته ولم بيه
وراسي من الفكر يصدع والم بيه
صرت صحن الكلب انت وlnb
الاشارة اتروح من تبعد عليه
---------------------------

الوادم حجيت من شفت ولامت
وحبك ساكن بروحي ولامت (ولا مات)
اكول اصبر والي الله ولامت (الى متى)
اصبر والصبر ماله رجيه
÷÷÷÷÷÷÷÷÷÷÷÷÷÷÷÷
ابد ما صطبيلك ونتبه لك
وحذر حيل مني وانتبه لك
اته باهلي ازامط ونتبه لك
واذا اهلك زلم هدهم عليه
++++++++++++++
بحجيك ليش بس وياي شطيت
نطيك دمع عيني تكول شطيت
انه بدمع العيون اشطوط شطيت
وصب دجله وفرات بين اديه
&&&&&&&&&&&&
زوج اطيور حبنه صفن بس تك
وصرنه للشماته علج بس تك (بستج)
ما ادري شجاني وكمت بس تك
اعذرني عالجرالك موبديه
*****************
صرت للدهر صكله ونته لاكه
وفرح مالاك اليه ونته لاكه
يريت الوكت يفتر ونتلاكه
احضنك والحضن موساداليه
***********8******
العشك كاروكه يمه لوله بيه
وفرني شلون فرة لولبيه
احبه وحبها خله لوله بيه
ارجف لون طاري الحب مرعليه
÷÷÷÷÷÷÷÷÷÷÷÷÷
ورد قداح اهديلك وجوري
وريدن ضمي احجيلك وجوري
موجر والعشك كمل وجوري
وشبه بركان حبك صاربيه
÷÷÷÷÷÷÷÷÷÷÷÷÷÷
التعب والضيم جنبي الراحه جنبك
اشتضن من نار كلبي راح جنبك
عشك العقل خلص راح جنبك
واموت بعشرتك وابليك بيه
÷÷÷÷÷÷÷÷÷÷÷÷÷÷÷÷÷
ذهب صافي طبعنه ماصدينه
وابد للي نودهم ماصدينه
تصيد الناس وحنه ماصدينه
رغم نفس المكان نذب سويه
××××××××××××××
نخيت اجفوف اديه من تخلي
واسالت الزمن بعدي من تخلي
يصاحب ليش تغدر من تخلي
كضيت وياك عمري وخنت بيه
ٍٍٍٍٍٍٍٍٍٍٍٍٍٍٍٍ

صب دمعي على الوجنات ياهل
أوماتدرون بيا اشصـــــار ياهل
صرت عصفور جني بيـد ياهل
أهـو يــلعب وانــا اشــــنون بيه
---------------------------------
لويت الدهر مافد يـــوم حنيت
وديا من دموع العــــين حنيت
ييمه اوداعتج هالـــــيوم حنيت
أوشلت نار الدمع بجفوف أديه
---------------------------------
أنا ابميزان الهوى عاني كفاني
أوحي لاتحسب العاشق كفاني
أناتبت قلت الدي بـــــيا كفاني
أنا شجاني اوعاودة سوده عليه
--------------------------------
شهر سيف الهجر ضدي وسله
نساني اوراح وي غيري وسله
عنب ماحصلت مـــــــنه وسله
طلع ذيب أوكتلني اربـات إديه
----------------------------------
وسفه الدهر شتتــكم وطركم
حسافه ماكـضه منهم وطركم
بذجركم هذا انه اهذي وكركم
يعيد الله شتتـــكم جمع ليه
---------------------------------
تبنا من العشـــــــق واردود عدنه
وحسبنا اسنين مره وتــــــاه عدنه
أهوايه بالسلف حلـــــــوات عدنه
لون روحك صدق خضره وطريه
-----------------------------------
زماني جرد اســيوفه وسنهه
عليه اوحرمــت عيني وسنهه
وحق اللي فرض خمسه وسنهه
بعد هيهات عيـش ايصير اليه
----------------------------
أنا ماحسبت لن شــوقك وبالي
وعودي ذبل بفــــــراقك وبالي
أقوم أنا أويا الربع واقعد وبالي
بويا يمك ولشـــــواق أدور بيه
---------------------------------
يحادي روعت قلبي بلحداي
يخايب لفني وياهـم بلحداي
اون طول الدهر حتى بلحدي
على الساروا وخلوني شجيه
---------------------------------
حبك من شفـــــاف القلب عتباي
ولانوبه أذكرتنا واوصلت عتباي
أعتب مانفـــــــــــع وياك عتباي
على ياهي أزعـلت واقطعت بيه
----------------------------------
هذا البيه كنتـــم لايميني
وعذر مافاد بيــكم لايميني
لو تكتف يسـاري وي يميني
هذاك انه الهوى غالب عليه
---------------------------------
بــودادك آخ للـــــــــــدلال فخار
جدب كلمن عليه الجـــــــد فخار
اختلاج الناس من صلصال فخار
وحبيبي اختلق بالقـــــدره العليه
----------------------------------
اف من زماني اه منه
على اللي عشرتي وياه منه
اكله الدرب هذا يكول منه
اكله فوت بيه يرد عليه
---------------------------------
صعدت اجبال فوق اجبال عالي
أوصرخت صوتين يم قدله تعالي
يـنـيـت قـــصـر بـالجـــنه تعالي
نــرد نـســـكن أنـــا ونــته سويه
-----------------------------------
كحل بالعـــين أحـــــــــبابي يحطون
أوياحربه أمسومره أبقصبى يحطون
ياليت أهلك أبجــــنب أهلي يحطون
نـــنام أثـنـيـــنا أونلتــــــــــف سويه
------------------------------------
روى الزيتون من دمعي ولاراك
أوغيرك مانحل جسمي ولاراك
أخاف أطول غيبتكم ولاراك
وعند وصلك تدانيني المنيه
--------------------------------------
دمه دمع البيابي سال وانهات
عليك اكضي العمر حسرات وانهات
بهواك انه اعذلتني الناس وانهات
ما خذني الهوه غصبن عليه
-------------------------------
الدهر ياصح بالفركه ولانه
ولانوبه انكسر كلبي ولانه
لاانت عرفت الحب ولانه
--------------------------------
نسينه الشوك وخلفنه وعدنا
وعلى الهجران ردينا وعدنا
هذا من الوكت والحب وعدنا
-------------------------------
يفربيه الوكت نوبه وفربي
ومن ثلج العمر دربي وفربي
اشرد وين انه بكلبي وفر بي
----------------------------------
بدرب مسدود ومتيه محله
دموعي جم ذنب قلبك محله
بعد طير بضباب ابدا محله
ولاظن بعد نتلاكه سويه
÷÷÷÷÷÷÷÷÷÷÷÷÷÷÷÷÷÷÷÷
العشك منه استراحينه وهدنه
واخذنه من الدمع راحه وهدنه
يحلو الطول فك ياخه وهدنه
عجزة من الهوى ونارة سريه
÷÷÷÷÷÷÷÷÷÷÷÷÷÷
طحتلي بناس عكبك فطراني
نهر يابس وهجرك فطراني
صوتك وانه صايم فطراني
من شوفن صورتك شيصير بيه
--------------------------------

حبيبي اشلون عنده اعيون فله
وشعرا الراس عن ايدي فله
تمنيت انه اوياه فرد فله
واشوفه الغرام اشعمل بيه
--------------------------
نخيت اجفوف اديه من تخلي
واسألت الزمن بعدي من تخلي
ويصاحب لش تغدر من تخلي
كضيت اويك عمري وهاي هايه
---------------------------

والحسن احلف دوم مابعد اجيكم
اوصل لحرف النون وارجع عليكم


بكل حلو لوله تصير بس شحجي عنك
صارت اللوله البيك حتى احلى منك


كالو تريد اتروح واتعذب الروح
امودع الله اوياك بس ابقى لتروح


كالو تريد اتروح واتودع بساع
جا غير اشيل الكاع والزكه بالكاع


اجمل صباح اليوم وبعمري بس هاي
شلت الغطه وفزيت لن عيني بهواي.


شوف شكثر مكروه التجفي دنياهه
حته الصديق يكول عيب امشي وياهه.


ريت الالم مو بيك ياريته بيه
دونك لجر الموت بثنين اديه.


ترجف عليك اعضاي كل ساعه وتلوج
ودموعي عالخدين روج بأثر روج


من عمت عينه الكال بفراكك ارتاح
ابجي ابسواد الليل حتى الرمش طاح


كلبي اشتكالك ليش ترفض شكيته
متيه وشافك صاح احا لكيته


موحش يبعد الروح گلبي التركته
والدم صفه الونات والحسره دكته


روحك لون تشتاك من كثر الفراك
حظن بحظن وياه وتكلي مشتاك


تبجي بغزاره.. نكول هنيال العيون
وشلت دمع العين وصبحت مجنون


يا يــوم افــز والگـاك..متــوسد ايــدي
ولـو صــدك صــارت هــاي.. صدكنــي عيــدي


سهــران انه ومهــموم.. والغــالي نــايم
خـــل بيــه كــلشي يصــير.. بس كــونه ســالم


مــو كل اليحــبون.. حبــهم مثــلنه
اكثــرهم يــلعبــون.. وبلا محـــنه


انـــي ادري مــــا تنطـــال .. بالحلم حتــه
بس الگــلب والـــروح..مـالكهن انــــت


شمــا اكتــب الكلمـــات ..ماتوصفلكم
شگد گـــلبي يحمل شــوگ ..وشگـد احبكم


نخله انه وي الريح اتحرك ابسر
هذه اني حالي ايصير من اسمك يمر


من حلاتك كلها تحچي واني غامرني السكوت
اخاف من احچي بحلاتك يصعد السكر واموت .


جار البيوت ايشيل ويمكن يسافر
بس انته جار الروح وبالگلب صاير .


ملهوف اجاني العيد هااا گتله شتريد
راويته جرح هواي ضل يلطم العيد .


بالعيد اعايد ناس بس انته لاله
هم شفت واحد يوم عايد هلاله .


رمضان اجانه ارجوك لا تطلع اصبر
عيد انته لو شفناك معناها نفطر .


بالك تظن واتگول عشرتنه مده
باب الگلب مفتوح هيهات اسده .


لا تظن يوم انساك واگدر املّك
ومابيه حيل فراگ من هسه اگلك .


طگ گلبي والعباس كلش عليكم
مو مشي يمكن راح دقلات اجيكم .


لعيونك الحلوات بس اكتب اشعار *** وحته الكلب مرات من عدهن يغار.


ثاري الكلب بالشوف اقوى من العيون *** يعني التضيعة العين بالكلب مدفون.


يم بيتي ريتك كون واشمرلك العين *** تشبعلي منك شوف وتردلي بعدين.


أشمرلك العينين لو يمي بيتك *** وانتحر ست مرات لو ما لكيتك .


هاك اخذ كل اعضاي صفطهة بيدك *** واحسبني دم محروم يمشي بوريدك.
تحيتي..~

دارميات غزل جديده

نومني ليله وياك وافرشلي يمك
كل ما افز والكاك بشفاك اشمك


بوسه وثلث حضنات وشبكه اعله خصرك
ننطرح فد فراش صدري على صدرك



كل جرح بيه يطيب اكدر على دواه
بس جرحي من فركاك متحير وياه



بتابوت احط الروح ودفنها بالباب
خاف من اموت تكول عافوني الاحباب



مشتاك الك مشتاك شوك اقوى من شوك
يل تسوى نص الكون بس شفتك الفوك



بين الكلب والروح بستان الك خاص
واهديلك العينين واحسبهن رخاص



كلبي جزيره عشك وحبك شواطيها
وانت الشمس والكمر وانت الهوى البيها




صحح اليغيب هواي يتسمى مفقود
بس انت من تغيب بنص روحي موجود



اتمنى اظمك حيل واتنفس انفاسك
واصرخ احبك حيل من ساسك لراسك



ورقه وقلم كضيت ردت اكتب انساك
اوصل لحد النون واكتبها اهواك




ساسي البنيته وياك ربعته تربيع
دكيته دك ملاج ما ناوي للبيع




ابرسمك اصبر العين لو هزها الفراك
بس بيش اصبر الروح لو هسه تشتاك

دارميات .. (غزل البنات)

اشعاع الشمس مظفور بيهه الگصيبه

واللي يشـوف العين هوَّه اونصيبه

***

بويه اشحلات اهواي يچوي ابسماره

شمس اوگمر وانجوم .. هزّ العماره

***

يگطر عسل مملوح چلماته ترفه

من نگلة الرجلين لو مر اعرفه

***

بشليلي الم انجوم وانثر دربكم

والگمر ضوَّه الليل يمشي بثركم

***

حاير واعاين ليك يوليفي يالصد

مدري الورد بالإيد مدري على الخد

***

خليني اعاين ليك لن روحي بيدك

چا هيـّه مو بالكيف گلبي يريدك

***

گمره اوربيع اليوم حلوه اوضويـّـه

وامطرزه ابنجمات اسمانه اوزهيـّه

**

افرشلك الجفنين عيني اوصبيهه
والعطش لو مر بيك اشرب ابميهه

***

الگلب لو بالكيف يسعدنه كلنه
متعلي ما ينلاح يلعب ابدمنه

***

موشومه چنهه انجوم رصعات الخدود
وامطرزه ابشامات والحسن مشهود

***

شامه انت وسط العين وانت صبيهه

افرشلك الجفنين يالانت ضيهه

***

افرشلك الجفنين برموشي اغطيك
تشرب ابمي العين وابروحي اشريك

***

يحله السمر وياك .. تزعل واراضيك

لوتمشي اوتصد غاد .. آنه الاحاچيك

***

الگلب مو بالكيف كلنه عبيده
والما تريده الروح گلبك يريده