اكثر من 100 قصيدة مكتوبة للامام الحسين عليه السلام

قصائد حسينيه مكتوبه
اكثر من 100 قصيدة مكتوبة للامام الحسين عليه السلام
1


كون بهل دمع ياحسين اروي لك
وجعد يم ضريحك ساعه واشجي لك
!!!!!!!!!!!!!!!!!!
اشجي لك حزن لومر علي عاشور
وتذكر وكعتك من ظلم من جور
ضحايا ابكربلا ودموم تجري نحور
وسهم البلجد ذاك الكطع حيلك
!!!!!!!!!!!!!!!!!!!!!!!!
ارويلك دمع من ماي هذه العين
وصيحن ياغربتك سيدي ياحسين
الك للموت هذه ابركبتي هل دين
اكصد يم ضريحك كون اواسي لك
££££££££££££££££
من نحرك تسايل يادمه ابعاشور
هذه كربلا وبيهه انطفه يانور
وكع عباس اخيك والظهر مكسور
وانت ابكل كتر الدموم تجري لك
££££££££££££££££££
اشجي لك ظلم من حركوا الصيوان
من زينب غريبه وفاجده الخوان
ونته ياذبيح اموسد التربان
ورماه العده احسين التفيي لك
!££££££££££££££££££
حك عليك عيني من تهل الدم
ابحوافر خيلهم يالصدرك امهشم
انا انعاك بيه جروح ماتلتم
من ظيم الدهر صحت انه ادخيلك
££££££££££££££££££
من ظيم الزمان اجروح شيشدهه
من زينب مشت للشام وحده
بالديوان ذاك الرجس ناشدهه
وي راسك مشت للشام تبري لك
&£££££££££££££££
ابورسول الدراجي

ــــــــــــ◐◐◐◐◐◐◐◐◐ــــــــــــــــ

نزلت أملاك السماء بحضرتك
ياحسين بيوم بدلوا رايتك
آه آه~~~يتعاله النداء
آه آه~~~تحيا كربلاء
★★★★★★★★★
قافلة أملاك من بين السماء
نزلت بهاي المسيه بكربلاء
نشرن أجناح المصيبه والعزاء
من تبدلت رايته بلون الدماء

هذا أول يوم من هذا الشهر
واجب أعلينه نهل مدمع حمر
آه آه~~~نبكي من دماء
آه آه ~~~تحيا كربلاء
★★★★
ناحن أعلى مصابك السبع الشداد
ياحسين الأجلك ولبسن سواد
وحتى كل الكائنات أويه الجماد
حزنن وعلنن على حالك حداد

حتى الأموات بگبرهم يحزنون
ياحُسين الحزنك ويستشعرون
آه آه~~~الكل في عزاء
آه آه~~~تحيا كربلاء
★★★★
السماء الأولى هالليلة تصيح
ياحسينُ أو ياقتيل أو ياذبيح
عالارض من الحزن رادت تطيح
حين سمعت هالصده من الضريح

الأرض هاي المسيه والسمه
كلها مفجوعه وتغيرت بالدمه
آه آه~~~أرض أويه السماء
آه آه~~~ تحيا كربلاء
★★★★
والسماء الثانية أهتزت لأن
لطمت أعلى أظلوعها أم الحسن
والسماء الثالثه بنوح وشجن
للسماء الرابعه تبعث حزن

طه حيدر فاطمة وأم البنين
كلها مفجوعه وتنادي ياحسين
آه آه~~~حتى الأنبياء
آه آه~~~تحيا كربلاء
★★★★
السماء الخامسه وسكانها
تبعث السادس سمه أشجانها
وحده للأخره تبث أحزانها
تغيرت وي رايته الوانها

والكواكب والمجرات بحزن
كلها يم حسين هالليله أجن
آه آه~~~يبكيهِ الضياء
آه آه~~~تحيا كربلاء
★★★★
بالسماء السابعه نوح أو أنين
ناشره الزهره قميصه للحسين
ملطخ بدم منحره يامؤمنين
وتلطم الزهراء خدها والجبين

وشايله بيديها چفين الكفيل
أنفجعت الأملاك بالنوح وعويل
آه آه~~~ياحامل لواء
آه آه~~~تحيا كربلاء
★★★★★★★★★
الشاعر(أسعد قاسم الكريعاوي)

ــــــــــــ◐◐◐◐◐◐◐◐◐ــــــــــــــــ

تــــتـــغـــير يحسين أللـــوانـه هــــيج الرايــح أغــــله أخوانه
أه أشكد تقـــــدم عمرك كــد الشيب الصابغ شعرك
-----------------------------------------------------
1= النهر شمرة عصه * وشبابــــــك خــلصه * رحت شاب وعالخيم رديت شايب
تجر كـــوه النفس * رمح بــــيك أنغرس* صاير هلال الضهر من المصايب
عله السيف أنتجي * أشعمل بـــيك البجي* خاف تسمع حسرتك خويه الكتايب
يالمحــــــني ألحه * بدمه الغالي أمسحه * لا يشوفـــــــــن بناتك هيج ذايب
---------------------------------------------------------------
شنهي الدم الصـــــابغ راسك جا عــــــباس بـــراسك باسك
حيرت زينب كدام أمرك كد الشيب الصابغ شعرك
**************************************************
2= بديــــنك من كضه * عــفاه كلبك رضه * يـودع الخوه ويعـــــاود عالمخـــيم
النهر شنهي النهر* رضه بموت الكمر* ومايه جان بغــــــــيرة الكافل متيم
بجيـتو أشكد سوه * هوه وشابك هوه* يالسماكم ماصحه ودومه يغـــــــيم
شبست من كافلي* يبن حـــيدر علي * وأنته تدري من بعــــــد عينه أنتيتم
-----------------------------------------------------------------------
تمشي وتشتم ليش ثيابك ريحة دمه شـــــكبره مصابك
يحسين ويا مكـبر صبرك كد الشيب الصاغ شعرك

3= بديك يموت أخــو * شبعـــد ضلك شكو * يامضـــــيع أحسن أخ هاي شكـبرها
بعد طولي صحت * عله جروحه طحت * تروح فـــــدوه كربله هيه ونهرها
للعيون الساهرت* وعالمخيم ناطرت* خذت روحي بروحتك خويه وصبرها
جمد بـــيهن دمه * عــــيونه الباسمه* خرب لون عــــيونه ونطتك عمرها
--------------------------------------------------------------------------
من كتــله الزيــــــــنبنه أمشينه شكــلك خـــــجلان أمن أسكينه
جا كتله العــطشانه تعذرك كد الشيب الصابغ شعرك
************************************************************
4= رمـوه أشجم رمح * حسبت أشجم جرح * لو هوايه جروحه ماتكدر تعدهن
بقه بعينه السهم* خفــــت من الألم * والسهام أبلا رحم خليته عـدهن
جبت جفـــــينه أله* الــبل دموم أمبلله * واعدني جفوفه ماخلفن وعـــدهـن
عالوجه لو عالكفه* كافل الحره أنجفه * ينزفن جروح الغياب أشما أشـدهن
------------------------------------------------------------------------
لو جايـــب وياك جفـــــوفه لعـــــــــيوني الضلت ملهوفه
يحسين الله يعضم أجرك كد الشيب الصابغ شعرك




5= قــبل ساعــــه شكل * جــنت عـــــندي أمل * هسه لا جن ورده ذبلت ماسكوها
أثــــنينكم جنتو ألي * خـيامي بيكم تــنملي * راح أخو والـثاني روحه موتـــوها
حيل وازني العطش* والسبي بعيني نفرش* محد أيهاب المـره الـــــيموت أخوها
يلي باجر تـنسحك * تدري باجر نفـــترك* سامح أختك عالهـــــزل لو ركبوها
-----------------------------------------------------------------------------
أنه وراسك من نــــــــــتلاكه راح تـــشوف شكد مشتاكه
بدمــــوع أنه أرويلك نحرك كد الشيب الصابغ شعرك
***********************************************************
خادم العتره الطاهره عبد الجليل المالكي


ــــــــــــ◐◐◐◐◐◐◐◐◐ــــــــــــــــ

ثـنين الجفوف هــنه واسن خنصرك
وثالث الشوف ورابـــع أنه أتعـذرك
وخامس أنه أوهامي فــــدوه ألك يالضامي
**************************************
1= سيطرت عالماي أنـه وسيفي بيدي كـلي لا تـــنسه الأخوه أسمع وريدي
كتله راح أدخل حرب أسمع جديدي أنه صــــــياد الرجال وهذه صيدي
سلطنت عالمشرعه وشفته رصيدي** صورتك بالـماي طلعـــت ياعضيدي
---------------------------------------------------
صعبه ينعاف أخـو اليندل حسرتك
وأنته تنشاف بالهوه أتمر نـضرتك
ميته شفت أحلامي فـــدوه ألك يالضــامي
**********************************************
2= شفته بردان الفرات وكتله تدفه جان عـطشان ويمـيني أنطـته رشفه
لاتهم بالغـــاره فـد شويه تصفه يمك العــــــــــباس بلل بــــيك جـفه
أمي وصتني وصيه ماهي صدفه وياحلات الرجل مـــن أيموت وكفه
------------------------------------------------
عفتك أوحيد والألــــوف أتحاصرك
أدري شتريد خويه تكــطع منحرك
رخصـــتهه أيامي فدوه ألك يالـــــــضامي

3= باغـتاني أول سهم طفاها عيني أتبسمت وبطبعي أرحب باليجيني
كطعو أيساري كلت عدي يميني والسهام بصدري تــنزل تشتهيني
دمي بصواب العمد غرك جبيني كلش ماهمــــني أفكر بس تجيني
-------------------------------------------------------------
خايف أعليك من تجـيني بالهفتك
ما يخلــــيك السيف خاف بوكفتك
تشوف أخوك الدامي فـــــــــدوه ألك يالضامي
******************************************************
4= أتبين جروح الوحيد بعين خصمه لا تــــدنك راسك ودمــــــــــي تـشمه
صدر باقـــــيلي تجي بيدك تلزمه وأنته صدرك خـــــــيلهم باجر تحطمه
أنجان راسي بالعمــود يسيل دمه راسك أعله رماح يمـــشي بليله ضلمه
------------------------------------------------------------
تسحك الخيل عالصدر وتألـــــــــمك
دمك أيســـيل بعــــــمه حمره أيعممك
جفوفي ذن وعضامي فــــــــــدوه ألك يالضامي

5= دمي واكـف عالجسد أنه تـركته وأسمك ويا أخر نفس خويه شهكته
أدري اليفارك أخـو تذبح حركته وأنه أمري بــــس ألك تدري تركته
دمي أودمك يــــبو اليمه شركته الخنصرك يرخص يـغاليـنه وسحكته
-------------------------------------------------------------
أتمنه وفيت وين شوصل وكعتك
يلي ضلـيت أعلـيه تهمل دمعتك
دمي صار وسامي فــدوه ألك يالضامي
************************************************
خادم العتره الطاهره عبد الجليل ا
ــــــــــــ◐◐◐◐◐◐◐◐◐ــــــــــــــــ

الماله بالغربه اخو ماله نصير
يبقه حاير ألمن بعينه يدير
عليه تتقوه البشر يصير طعنه من الظهر
ماله نصير
****
الدنيه لوخانت بواحد يبقه حيران
وصعبه بالغربه تظل بلايه خوان
ديره مو ديرت عرف ماتعرف انسان
وخانك الحسبت عونك والغدر بان

هذا حال الماله بالغربه عضيد
عليه تقوه وتنتفض حته العبيد
كلهه ضده والدهر يصير طعنه من الظهر
ماله نصير

اليبقه مابين الغرب ماعنده عون
وماكو كل نضرت عرف بين العيون
الناس موگد الحچي وكلهه تخون
والرسايل بينت وبلايه مضمون

چذب طلعت كل رسايلهم حبر
طبع هاي الناس ياوسفه الغدر
والغدر بان وظهر يصير طعنه من الظهر
ماله نصير

گمت اصلي والجمع صله وراي
خلصت تالي واصد خالي گفاي
واحد يدليني ماكو يگلي جاي
اباب طوعه خذني جدمي وحجه ماي

منهو انته تگلي وشجابك ألي
گلت انه مسلم وعمي علي
الدار دارك يافخر يصير طعنه من الظهر
ماله نصير

ماخفت لا والله مره ولااهم
الموت اول تالي وامره منحتم
والله اتلگه المنيه مبتسم
انه كل خوفي ع حسين واهم

كون يسمع صوتي يوصله الكلام
هاي ناس تخون حته بالامام
الوفه ماله اثر يصير طعنه من الظهر
ماله نصير

انه اتنطر اجل صار شكثر
وجثه من فوگ القصر ادري انشمر
ظنهم يذلوني وحدي وانسكر
منهو يجتفني وصل لومو الغدر

انه تربات الفحل لاما احيد
والله حد الموت مابايع يزيد
من يگطعون النحر يصير طعنه من الظهر
ماله نصير

ينسه البلذله مات وندري زين
والنحر فدوه اذا من اجله دين
مايموت المات من اجل الحسين
يبقه طول الدهر وتذكره السنين

انه كل عمري فده ويرخص اله
ونحري اقدمنه فده للعايله
لموتي مشتاگ انتظر يصير طعنه من الظهر
ماله نصير

علي الجناحي

ــــــــــــ◐◐◐◐◐◐◐◐◐ــــــــــــــــ

الليلة الثانية...
الوداع الوداع ناده أبو اليمه الوداع
★★★★★★★★★★
قبل الرحيل الكربله هاي المسيه
تعنه أبو أليمه الگبر أمه الزچيه
والجده طه المصطفى سيد البريه
ولأرض البقيع أتعنه للمچتبى أخيه

الوداع الوداع ناده أبو اليمه الوداع
★★★★
بالكعبه طاف وحج أبو اليمه وتعنه
يم جده زاره بدمعته ويشكيله حزنه
وبحضرت الهادي الحسين أرتفع ونه
وچنه يگله جدي راح أترك وطنّه

الوداع الوداع ناده أبو اليمه الوداع
★★★★
راح وتعنه الفاطمه ودم تجري عينه
طاح أعلى گبر الزهره والدته الحزينه
فاضت دموعه وأرتفع نوحه أوونينه
ويگلها آخر ليله باقي بالمدينه

الوداع الوداع ناده أبو اليمه الوداع
★★★★
النوب أعتنه للمچتبى يودع عضيدة
وأعلى الگبر ثنه ركبته وخله أيدة
ويگله خويه مسافر ديار البعيدة
والقاسم أبنك يالحسن ويايه أريدة

الوداع الوداع ناده أبو اليمه الوداع
★★★★
ودع أرض جده ورحل والدمعه بالعين
وعاف العليله بنته يم أمه أم البنين
يتخطه بأجدامه وتذكر ذيچي السنين
جده وأبوه وأمه وأخوانه الميامين

الوداع الوداع ناده أبو اليمه الوداع
★★★★★★★★★★★
الشاعر (أسعد قاسم الكريعاوي)




7

ــــــــــــ◐◐◐◐◐◐◐◐◐ــــــــــــــــ

#برنامج_شهر_محرم_الحرام

فتحة عزه

واويلاه ع المذبوح. ع المذبوح واويلاه
1
يا ابو علي ارد اذكرك
بس ما اصيطر ع الدمع
من الفظ اسمك ابجي دم
تذكرني بكسر الضلع
2
مل كلبي كل يوم بفجع
وكل ليله اليه نايبه
مدري أظل ابجي الوضع
مدري أنوح أعله العبه
3
أمشي وصعدة التل أمس
ونضر جثث متوذره
ولن اسمع باذني همس
ذاك الحبيب ومنحره
4
ذيج العمامه ع الأرض
والخنصر انضر منبتر
صدره انمرد يكطر دمه
صابوه بسهام الغدر
5
هالناس ماعدهم رحم
ذبحو أولاد المصطفى
حتى الحلم صابو سهم
راح أقره ع الدنيا العفه
6
أسمع تراتيل الحزن
بأي ذنبٍ قتلت
اتنوح البمشيه رزن
قد قامت الدنيا اعتلت
7
زينب أنه أم الخدر
أنه الي جنت المفخره
يسبيني تاليهه الشمر
وأصبح يسيره محيره
8
بعد الأخوه ياعلي
تصبح سبيه ابنيتك
ارد اشتكيلك والدي
چتلو دليلي بغيبتك


#للموفق العبد الحسيني #ملا_محمد_الساعدي

جَلَبْتُ نَفْسِيْ بِالهَوَى مَكْسُوْرَةً
وَ الشَوقُ فِيْهَا يَعْتَلِيْ الصَيَحَاتِ

هَلْ لِلْعَبِيْدِ الآبِقِيْنَ نَظْرَةٌ
هَلْ لِلْطُغَاةِ شَهْقَةُ النَسَمَاتِ

جَوْفِيْ مَلُوْمٌ حَاسِرَاً مُتَنَدِمُ
قَلْبِيْ عَسِيْرٌ يُطْلِقُ الدَّمْعَاتِ

إنته الگلت ... حتى اليجيني لو سهم مارده
إنته الگلت ... باب الكرم لناس لا ماسده

يحسين اجيتك مستحي أعله البيه
ماعندي دمعه اعله الخيم ليليه

إنته أول بشر من العطش يغرگ
أنته أول جسم مذبوح شابع طگ
أنته أول نحر يتباوع ويشهگ

اجيتك لا جرح لا أختي مسبيه
اجيتك لا حبل ملفوف بيديه
اجيتك وآنه ما مچتوفه ايديه
ولا بالهيمه مِڼـّي تاهت ابنيه
اجيتك بس دموعي فراگ ترچيه
يبو جروح الجزن الف وتسعميه


يَعْلُو الرِمَاحَ رَأْسُكَ المِقدَامُ
أَمْ تِلْكَ رُوحٌ تَعْتَلِي الأَيَامُ

هَلْ فِيْ الضَرِيْحِ مُقْلَةُ الزَفَرَاتِ
أَمْ فِي الضَرِيْحِ دَمْعَةٌْ للشَامُ

هَلْ أراكَ فِيْ قُيُوْدٍ كَالسَجِيْنْ
هَلْ أراكَ مُوْسَى أَمْ أَنْتَ الحُسَيْنْ

انت ياهو الباب لْـۆ انت السفينه
انت ياهو الكعبه لْـۆ انت المدينه
حسين اشوفك بالجفن لْـۆ بالمحاجر
حسين عالم ثاني نغماته حزينه

آنه جَمّالَك وأجيت بكل صفاره
كون بيدي جا شلت حتى المناره

أكبال عبد الله الرضيع اضحك وأمازح
ياحسين الغير جرحك فكري سارح
حسين خليني اظل بحزني سابح


يَرْتَمِسُ قَلْبِيْ خُضُوْعَاً
تَنْطَلِقُ عَيْنِيْ خُشُوْعَاً
هَلْ سُجُوْدُ النَّاسِ يَكْفِيْ
أَمْ كَفَى فِيْكَ رُكُوْعَاً
ياحسين ياحسين





عبد زينب
محمد الابراهيمي






















20


ــــــــــــ◐◐◐◐◐◐◐◐◐ــــــــــــــــ


عزائك لا أمله ولايملني
يشايلني واعرفنك تحبني
حدر كترك يبو اليمه تضمني

تضمني بروحك ولو ماسوه
شكبر معروفك ورحتلك فدوه
يالمعيش حسبتك والد
اناجي جروحك وترد انجوه

يتارسني غرام بمجلسك احضر
يبوردت الوادم من يمر الحر
يماعون الفقير الماعرف غيرك
اذا حتى اليكلك بلخجل تصفر

حنين....ابو اليمه
-------------------------------------------
هدوئك چنه ورده وبي عذوبه
يسيد عالعرب وأعله العروبه
يحتئ رماد جدرك عنده حوبه

يخلگ البدوي إليهم بثاره
تهم جروحي شفائي زياره
يلمكبرني نعيت جروحك
هواك اشتمه وتجيني أخباره

عشت مثل نخل يرموني وانطيهم
اليتسودن عليك ناس شعليهم
غرامك هو سالب لبت أفكاري
بس وياك أسولف مامحاچيهم

حنين. ......يابو اليمه
-------------------------------------
يصافن والسهام الفززنك
يالچنك محمد مدري جنك
علي الكرار بالعباس اضنك

السهام تلوحك يالمناغيني
تعوف الوادم تجي تحاچيني
اگلك بابا وتگلي وليدي
يالمخبلني ويتارس عيني

يالمشبعني من ماعونك الوارف
اخافن بس اضل وياك ماخايف
يا نجمة سمه وتلالي بعيوني
حگه يلومني الماعارف وشايف

حنين .....ابو اليمه
-----------------------------------
بسمات العشگ حلو وخجوله
يالمهيم الزوار اليجوله
وأنه هايم الك من الطفوله

يجرني احساسي الك يجذبني
صديق أنفاسي يالمصاحبني
اشوفك هيبه وتكحل عيني
تصيح باسمي شكثر تعرفني

كلشي بروحي شد حزامه للفزعه
حت يزور گبرك ليلة الجمعه
حت يغمس عويناته بنفاسك
من اطيح دمعه تحسب دمعه

حنين .....ابو اليمه
--------------------------
عبدك سيدي وعبد العقيله
وأنه كل عمري ابچي للعليله
وأنه اتبعثر جرح يم الهزيلة

بعد زورني هوى المسبيه
أريد عيوني تظل معميه
اريدن روحي تظل ملچومه
غريبه زينب غريبه رقيه

غريبه أم الخدر يلتدري واشكيلك
وأفرشلك عذابي اهناك واحچيلك
الشام بلايه شم حتى النفس ماكو
شكثر دمعات من الشام اوديلك

حنين . . . . ابو اليمه




عبد زينب
محمد الابراهيمي






















21


ــــــــــــ◐◐◐◐◐◐◐◐◐ــــــــــــــــ

لعَقيده مَبدئي وديني ولائي

للعقيده حسين افديه إبدِمائي

هذا ديني هذا ديني

*********************************************

للعـقيـده ســـاير إبمَـــحـض إختياري

حسيـن إمامــي وأطلَقـت هذ اشِعاري

إنطيـت بيعـه إو أبـــد مـاغَير قَراري

إلموت دَرب الكوفه ومشيت بِمَساري

ما أعوفه وآجبي إيحَتِم عَليه

ما أعوفه إوبايَعِت بثنين إديه

كُل يَقِيني هذا ديني هذا ديني

*********************************************

للسفــاره إختارني إو هذه أكيده

نِفَـذِت منـي ألحُسين إشما يِريده

يعني هاي الكوفه عني موبعيده

بيت عَمي بيها وأنصار العقيده

جيت أشاهِد وين أصحاب العقيده

جيت أشاهِد وين أنصار الصُميده

إتشوف عيني هذا ديني هذا ديني

إوصَلِت للكوفه إو عيوني بَس تِطالِع

إبصوت واحِـد كِلها عَـن الحك تِدآفِع

البيعـــه مـــاعِــدنه أبــــد بيها دَوآفِع

إلطِفِـل وَيـاهُــم أشـاهِـــد رايـه رآفِع

ما نِساوم إحنه حَد كطع المناحر

ما نِساوم عينَك إتشاهِدنه باجر

بَعدَ حيني هذا ديني هذا ديني

*********************************************

زَحمه بالمَسجِد صُبَح هذي أكيده

إبـن عَمـي كِلِت هــذا إللي يِريده

كبل مـا أطلُب البيعه إيمِدلي إيده

إبدَمنـه أحنـه إنبايِعَك يـابوحميده

هذي بِيعه كلبي ما مِرتاح إلها

هذي بِيعه إثلاثه تتشابه مِثِلها

إلكُل تِجيني هذا ديني هذا ديني

*********************************************

إلعَقبه البيعة إلأولى إلباري أدرى

بيعة الرضـوان هـي بيعه جَهرى

بُقَت بيعه مــن أجلها النبي أسرى

بيعـة الكــرار جانت بيعـه كُبرى

لا تِسآئِل بالغَدير البيعه فَرضَى

لا تِسآئِل للنبي إوللباري أرضى

إيحن حَنيني هذا ديني هذا ديني

*********************************************

بيعـــة الكوفـــه صُفــة بيعـة عَساكِر

بـالأمس نِـرخُـص إلك كـالت مَناحِر

باجــر إعليكُــــم تِــدور أعظَم دَوآئِر

إبهل ألأرض باجِـر إلـي تُرفَع مَنابِر

إلي مَنبر مـن يهل باجـــر مُحَرم

إلي مَنبر إبمَسجِد الكوفه إلمُعَظَم

وي حُسيني هذا ديني هذا ديني

*********************************************

خادم الحسين

حاتم ماشاءالله الكاظمي











قصائد حسينيه مكتوبه









22



ــــــــــــ◐◐◐◐◐◐◐◐◐ــــــــــــــــ

&&&&&&&&&&&&&&&&&&
القصيده التاسعه عشر
لسان حال كل حسيني

يحسين الك وسط الروح جمرة حزن ما تطفه
///////////////
لو تنكشف عن الناس هاي السمه المحجوبه
جا شافت اشكد عزيات ل ال النبي منصوبه
مثل البشر هل املاك بيها اليشگگ ثوبه

وبيها الينوح ومفجوع وب عينه يلطم جفه
يحسين الك وسط الروح جمرة حزن ما تطفه
///////////////
حتى الحجر دم عليك كامت تفور اعيونه
ثغر اليقبله المختار تكسر الخيل اسنونه
وبيا ذنب جسم احسين يا عالم ايسحكونه

مابغضتك يلمذبوح بس الگلوب الصلفه
يحسين الك وسط الروح جمرة حزن ما تطفه
///////////////
ربك فضح كل ايزيد واهل الخدر مستوره
اشكد حاربوا هل عزيات لكن بقت معموره
ماتنطفي ب أمر الله هل انفس المجموره

والينجرح گلبه ب اه من كربله مايشفه
يحسين الك وسط الروح جمرة حزن ما تطفه
///////////////
دمعتنه اوضح مقياس للمؤمن واعماله
الماينكسر كلبه اعليك واجب يعيد افعاله
انته الغريب العطشان گطعت الكوم اوصاله

دارت عليك العدوان منك اجت تتشفه
يحسين الك وسط الروح جمرة حزن ما تطفه
///////////////
يلتبجي دمعه اعله حسين باجر الك مذخوره
هذا الخبر يشفي الروح شعشع علينه ابنوره
مو فاطم اتلم دموع اهل العزه ابقاروره

والمابجه ابيوم اعليك من يعتذرلك كلفه
يحسين الك وسط الروح جمرة حزن ما تطفه
///////////////
جرح المحب بالچلمات يصعب تره تفسيره
لطم الصدر هذا وسام ل اهل الشرف والغيره
ضلن بنات المختار لا كافل ولا ديره

هذ الجره اعله الوليان وبيا كلام انوصفه
يحسين الك وسط الروح جمرة حزن ما تطفه
///////////////
يوم الوعد للموعود لمن ينادي ابثاره
وينصب محاكم عاشور ويكشف جميع اسراره
ساعتها رايات الثار ترفرف ب أدين انصاره

وكلمن ضلم اهل البيت باچر ذنوبه اتوكفه
يحسين الك وسط الروح جمرة حزن ما تطفه
///////////////
ياربي ندعي ابكل دار نرفع ذكر لمصابه
ووتجمع اب اسم حسين ل اجل العزاء احبابه
وتبقه تدك فوك الراس شبانه وي شيابه

وصوت اللطم من ابعيد ل أبن الرسول اتعرفه
يحسين الك وسط الروح جمرة حزن ما تطفه

احمد عيسى البديري
&&&&&&&&&&&&&&&&&&&&&&&&&&&
&&&&&&&&&&&&&&&&&&




















23





ــــــــــــ◐◐◐◐◐◐◐◐◐ــــــــــــــــ


بسم الله الرحمن الرحيم
نشــــــوفك ياحُســـــين ابكربله حيدر
وكــــل ناصر يــــنصرك مالك الأشتر
*
شرف كل الشرف لوصرنه انصارك
لون موت اختيارك راح نخــــــتارك
طلب عدنه اعتبرنه الــــيوم خطارك
ﮔبلك كـــــــــون يابـــــواليمه نتوذر
*
طلــــﮔـــناهه للــــدنيه لجــــل عينك
نشوف الجنه مرسومه على اجبينك
ونشاهـــــد راية المخــــــتار بيميـنك
يوجه الحــــق ينوره الساطع اليزهر
*

يتجسيد الـــــديانه وللعـــــدل تجسيد
اشــــتريد انته يبوالسجاد احنه نريد
نشــــــوفك منهــج القران والتوحيد
وكلمن عاده نهجــــك بالحشر يخسر
*
ابأسمنه چـــف حبيب اتوزم الرايه
اجينه الكــــــربله وللــــموت شرايه
ننصرك هاي غــــــايتنه وأعز غايه
رضا الباري رضاك ابنصرتك نفــخر
*
عهد بالــــــدم كتـــــبنالك يبواليمه
وتعـــرفنه أبد مانخـــــــلف الكلمه
قـــــليل اشما إلك أنصارك اتقدمه
قليله مره لــــــــــومتنه نريد اكثر
*
الف مره لــــــــون انموت مومره
والأجســــــــــــاد بالوديان تتـذره
ونرد للدنيه هم انعــــــــاود الكره
نـــرد نضحي لجلك يا أبـــو الأكبر
***
تمت بفضل الله وتوفيقه والحمدلله رب العالمين
وصلى الله على محمدٍوال محمدوعَجل فرجهم اللهُمَّ صلِّ على محمدٍوالِ محمدوعَجل فرجهم
حيدركريم جارالله الكربلائي























24

ــــــــــــ◐◐◐◐◐◐◐◐◐ــــــــــــــــ


كل شيبه البراسك عزه من كثر الونين
باليوم تكبر جم سنه من تسمع حسين
ماتوا اهلك من وكت
كلشي منهم ما شفت
ومدري وين انته غبت.......من كثر الونين
...........................................................
سافرت وحدك وما گلت انته عدمن.....فارگتني
وين فارش طولك ومتبدي يمن...........حيرتني
منهو يبجي وياك كلي وفزعتمن.......عذبتني
بينه محد گال لرقيه انتي بتمن.....بس أخذني

ما بادي عمرك بس خلص مابين الگبور
يوميه ناصب جادرك من غير عاشور
جرحك اكبر معجزه
عمرك انته شجم عزه؟؟
اوين گلي سافرت.......من كثر الونين
.......................................................
بحالتك يم كل گبر بس الله عالم......شنهو وضعك
شموعك التشعلها خاف شموع جاسم...دمه بشمعك
جبت عمرك خوفي عالتربان نايم.....يجري دمعك
ويمكن من الطف لحد اﻻن صايم.....شلون اسمعك

ابراسك أيتام اعطشت نوح وبجي هواي
ايگوم ساگیها ويگع چي باگو الماي
ومن رگض صوب الخيم
ﻻبد لعينه سهم
وصاح يازينب طحت...من كثر الونين
.........................................................
ادري كل ليله تموت بجرح جدك....هواي صعبه
ويمكن ابﻻ فيي نمت بالشمس وحدك. ..بون تنحبه
اشجم سنه مرت ومهضوم انته بعدك. ..تقره ندبه
لسه من تسمع حسين أتجوي خدك.....متت عگبه

بالألم ﻻ ماتكتفي ودموعك تسيل
تدعي اعله صدرك كل فرض ارزقني جم خيل
خيل عشره وبالظهر
كون تسحك عالصدر
وللحسين شكد نحت.....من كثر الونين
........................................................
عشت كل عمرك وحيد اشگد بجيتك.....ليمتى رايح
علگت چم صوره ﻻعزازك ابيتك......أوين طايح
هواي ماتولك يمهدي وما اجيتك.....هم تسامح؟ ؟
وين اضم وجهي اني منك لو لگیتك...يا ابو صالح

مو مثلك احنين گلب....گايدني شيطان
يلتنطي ثوبك بالبرد لو شفت برادن
انته وين واني وين
دفو اتوزع يلحنين
واني بذنوبي اسرحت.......من كثر الونين
.........................................................
يمتى تخلص سفرتك من المگابر...كافي وحدك
عذر ماعندي اگوله غير باجر....وانته بعدك
وسيدي من هسه متحضره الحوافر....لصدر جدك
احزب واطلع قبل ليلة العاشر.....بالي عندك

لليوم گلبك ما برد بي حسرة واﻻﻻم
كل عام تسمع بالحرك مطلوبه الخيام
خوفي اموت وماتجي
ناذر افزعلك بجي
ادعيلي بيدك لو متت.......من كثر الونين
...................................................
احمد ماجد الكﻻبي





















25



ــــــــــــ◐◐◐◐◐◐◐◐◐ــــــــــــــــ


نَهضه حُسينِيه والرايه بَدرِيه

وَعَد وَعد وَعَد وَعَد يأإمامي

***************************************************

تَنفِيــذ إلرِسالــه إمــن إلسِبِــط عِندي

أنـا إلقــائِــد عَليكُــم وَأفـتِـخِـرجُـندي

نِطيت حسين وَعدي وثابِت إبوَعدي

أضَحي بِروحي آنـــه ونَهضِته أبدي

روحي فِدآئِيه والرايه بَدرِيه

وَعَد وَعد وَعَد وَعَد يأإمامي

*********************************************أنـا إنـطـيت الوعـد واللـه لبن عَمي

عَـجيبه إشلـون تِردون أبخل إبدَمي

آنـا إلـبيـت الهـواشِـم يالرِدِت إسمي

قَراري ما أبدله إشما جِره إبجِسمي

غيره حُنَينِيه والرايه بَدرِيه

وَعَد وَعد وَعَد وَعَد يأإمامي

***************************************************

سَـفـيـر حسيـن آنـه وأعـلَـم إبسِرها

إتجاهي الكوفه واللـه أو ما أغَيرها

عَشره إمن البِحور إتصير أعبُرها

أنـا إنـطيت العَهـد لحسين أحَرِرها

إلكوفه شِيعِيه والرايه بَدرِيه

وَعَد وَعد وَعَد وَعَد يأإمامي ***************************************************** مُـهِـمـة هـالـسَـفاره وأفتِخِر بيها

مَـصاعـبهـا شَـهـد والـله أدريها

رِساله مِن إمامي إعليكُم أقريها

يِـتـوَجَـب عَـلـيّا الكوفـه أصَفيها

والنِسبه بالمِيه والرايه بَدرِيه

وَعَد وَعد وَعَد وَعَد يأإمامي ********************************************************** بَـيـان حـسيـن مـا كوله ولا أذيعه

وحـك حـيـدر أبـوه أو أُمه لِودِيعه

مَعصوم أو إمام أو واجِب إنطيعه

سـؤآلـي إيـكـول إلـمـن رِتُم البيعه

إلبيعه غَديريه والرايه بَدرِيه

وَعَد وَعد وَعَد وَعَد يأإمامي

********************************************* أنا لحسين أمَثله إبمَنهجه أو فِكره

إذا إنطيتـو العِهـود إنقيمها الثوره

شِـعار إيكون نِطلُب حَقها للزَهره

متهمنا جيـوش الطاغيه أو قَصره

نِنهي إلعِبوديه والرايه بَدرِيه

وَعَد وَعد وَعَد وَعَد يأإمامي ***************************************************** إتفاق إلليل وِأنتو إعرَفتو مَظموني

نِـطيتـوني الـعِـهـود وهـذا بِظنوني

بـس طَـر الـصَباح السَبب عِفتوني

أشـبـاه الـرِجـال إتــشاهِــد إعيوني

إلجِلمه رِجولِيه والرايه بَدرِيه

وَعَد وَعد وَعَد وَعَد يأإمامي ********************************************************** وِحيد آنا أو إلآهي يِنظُر أو حَسبي

غَـريـب الكـوفه ضَيَقتوعليّ دربي

شِـفـت تِعـدآدكـم لا مـارِجف كلبي

أنا مِـن بيـت طوعه أَعلَنِت حَربي

خُطه جِهادِيه والرايه بَدرِيه

وَعَد وَعد وَعَد وَعَد ياإمامي

خادم الحسين حاتم ماشاءالله الكاظمي





























26



ــــــــــــ◐◐◐◐◐◐◐◐◐ــــــــــــــــ


وديلي قميصك خل أشمة
يا يوسفي وبكل لهفة احضنة
قميصك بوية يكفيني
يردلي العافية وحيلي
يبوية يبوية
*********************
وديلي قميصك هذا يكفيني
يبوية وهجرك يكصرلي سنيني
غيابك يالابو كطع شراييني
وطبع اليحب للمحبوب بي لهفة
*****،*؟*،**،********
غيابك بوية تعرف حيل ياذيني
مثل طيف انتضر يابوية تلفيني
وردة وجيتك يالغالي ترويني
لون تنضرلي الخاطر اكسرة
********************
أضل انطر يبوية جيتك عالباب
يبوية ارسل سلامي وية ريح الهاب
طلع حتة الهوى والباب جذاب
من اسمعنة اكومن واركض بهمة
#####################
وديلي قميصك حتة إذا بي دم
ودي ليه اريدن منة اشبع شم
اريد بلهفة اشمنة ويزيل الهم
يعقوبك يبوية وزيلي العلة
==========☆☆☆==========
يبوية من رحت وبقيت وحدي
صارت سلوتي عالخد دمعتي
زادت من بعدكم بوية علتي
وكل ساعة الأمر للرب أسلمة
☆☆☆☆☆☆☆☆☆☆☆☆☆☆☆☆☆
☆☆☆☆☆☆☆☆☆☆♡☆☆☆☆☆☆
من سرة ضعنهم عيني تنضر الهم
من مشو هلي تجري دمعتي
وادعي ربي ردهم
&********************
من مشو كل الحبايب ماخذوني
روحي انمردت احس من ودعوني
بعالي صوتي صحت بس مايسمعوني
كلبي حس بالخوف جنهم مايجوني
شيردهم الي بقيت لوحدي
دمعي صب لجلهم
***********************
من مشو عني وبقيت محيرة
جسمي ناحل صبح يابوية ترة
يالخذيت مخدراتك انة هم مخدرة
وياك خذني عليك جدي حيدرة
اقسم بعلي جدي الولي
بعد الي شيردهم
-------------------------------------------------
من مشو ضليت اناطر عالدرب
الراح والجاي أسألة ودمعي يصب
دمعتي كامو يشوفوهة الغرب
كمت اتخيل اجيتو الداركم لمن اطب
صعبة حالتي زادت علتي
من انضر صورهم
------------------------------------------------------
سافرو واتركو بس الذكريات
أذكر هنانة كعد وهناك بات
والدي واجتمعن كبالة الخوات
هنانة عبد الله أذكر وكل الصفات
هنا ناغة الي هنا اسمع بجي
الهج بذكرهم
----------------------------------------------------------












قصائد حسينيه مكتوبه









27


ــــــــــــ◐◐◐◐◐◐◐◐◐ــــــــــــــــ

ياحسين
بروحي انت
ابعيني انت
ابكل خضار الدنيه انت
انت اجمل حت من وجه الصبح
انت اجمل من اشوفك عالرمح

ياحسين
الطف رخيصه اودمك الزيد سعرهه
ياحسين
المابچالك اهواي تبچيله ابصلاتك
ابد ماتدعي الرقيه
ابد ماتدعي السكينه

انت تدعيلي اجيلك اوبالغرب عايف بناتك
اشكد حنين
ياحسين

انه خايف من حنانك خاف ترضه اعله اليذبحك

خاف ترضه اعله اليجرحك

والعشك واصل لصبعك
مارضه المحبس الوحده يسلبونه
انشلع من چفك اورايح من جنونه

الحدك اويبطل بچينه
اشكد حرام الغيرك يصبح بچينه
بالزياره الكعبه توصلك حزينه
وانت وجروحك سوالف
مره گاعد
مره واكف
مره اجيلك
ابغير روحي
مره اجيبلك جروحي

هيه حيره
اوماعرفنه العنده نيه
اوماعرفنه الوگف ضدك

ابعيني اشوفنهم محمد
لاچن بعينك اميه
بالعزه لو طگه واحد

يگلب الدنيه اعله راسه
ايطلع ابروحه الشراسه
عله كيفك جاي تلطم عله واحد

الخاطرك ذبحو ناسه
الخاطرك عالرمح راسه
ليش تكضيهه ابوناسه
اشمالك اتهدم اساسه

حسين يستاهل حنانك
اكسب الناس بلسانك
لاتخلي الوادم اتضد اللمجالس
لاتگول امشيبه روس النوارس

تلگه واحد لونه ابيض
وبدليله البغض تارس
اوتلگه واحد وجهه اسود
وبدليله ايعيش عابس

ابياحسين اترس ضميرك
اوحارس ابابك واسيرك
ياحسين
ياحسين ياحسين



عبد زينب
محمد الابراهيمي





















28



ــــــــــــ◐◐◐◐◐◐◐◐◐ــــــــــــــــ


بسم الله الرحمن الرحيم
امن المخيـــم زينب اتـــــﮔول اطلعت
أرد اشوف حسين عالتــــــل اصعدت
*
تمشي زينب لاݘن تـﮔــــــوم وتطيح
تمشي خطوه وخطوه تـﮔـعد تستريح
صعدت التل هايبـــــوالــــيمه تصيح
عدل بعـــــــــــدك ﮔلي خويه لومـتت
*
ما رجـــــــع منه جــــــواب ولاخبر
اتعنته مذهــوله تــــــمشي وتعــــــثر
لن اخوهه يجري دمه امن النـــــــحر
اتــــــــــﮔله مارديت مذبـوح اعرفت
*

جيت اشݘيلك شفت وضعك صعب
صرت اواسيك ابدمع من دم يصب
اتعيني مـــــــــدري اعينك بالغرب
شرد اﮔلك يــــبن هــــــادينه حرت
*
وعتنت زينـــب لابن حامي الدخيل
وصلته ابلهفه ودمــــــعهه دم يسيل
تـــﮔله ﮔوم اوياي نرجـــــع يالكفيل
ما أصـــــــدﮔ مني ياخـــــويه رحت
*
قَبِلة راسه وݘفـــــــــــوفـه وكلمته
ݘن تحرك جسمه مدري اشحاݘتـه
يمكن ابحــــــــــــــﮔ الزݘيه حلـفته
خويه حاݘيني تــــره بعدك ضــعت
*
للخــــــيم ردت تنـــــــــادي ياهـلي
رحتو عني ومابــــــﮔـه واحـــد إلي
ونادت ادركني يبــوالحــــمله علي
حرمه بين اعداك يابــويه صــرت
***
تمت بعون الله تبارك وتعالى وتوفيقه وفضله وإحسانه وتسديده والحمد لله رب العالمين وصلى الله على محمدٍوآله الطاهرين وعَجل الله فرجهم وسهل مخرجهم اللهُمَّ صلِّ على محمدٍوآلِ محمد
حيدركريم جارالله الكربلائي





















29


ــــــــــــ◐◐◐◐◐◐◐◐◐ــــــــــــــــ


رغم بس راس ...بس مخبل شكد ناس
رغم مذبوح ...بس انت حلو حساس
انت الهيل وابن الهيل
اوبعيونك سواد الليل
~~~~~~~~~~~~~~~~~~~~~
اريد ابكيفي اصورنك..مو مذبوح ارسمنك
ولا اوصل للمثلث. ...اخجل خاف الجمنك

يعگال راس الدنيه دوم أمبختر
يانضرة الله ابنضرتك نتصور
خليني اتصور صدر غير سهام
مااريد اسولف عالرمح لو منحر

انت هواي. ...النهر منك تداين ماي
انت هواي...وانت من الشموس فياي

حيلك وزع اشگد حيل
اوبعيونك سواد الليل
~~~~~~~~~~~~~~~~~~~~
أرسمك لابس الغتره...وشگد حلوه لو خضره
وبالديوان والوادم..تصبلهم غده الزهره

بثواب امك تفرش السفره جناح
توصل الحد آخر سمه للفتاح
معزب چريم اوماتمن من انطيت
حت الزرع بسمك انشدو الفلاح

نورك هاج ..ادري شمالهه الحجاج
كعبه اوبيت..هنانه ابكرله ابمعراج

يالماتعرف انت الميل
اوبعيونك سواد الليل
~~~~~~~~~~~~~~~~~~~~~
الاكبر والعطر رشه...ارسمه اوياك يتمشه
حتى الطير البصفكم..اتكله اتفظل اتعشه

سليمان علمته الكلام امن اسنين
اوخليته وي الطير يتكلم زين
تسبيح حت الطير لوسبح كال
مولاي ابو السجاد وحسين حسين

گلي شلون...جا هو الجنون جنون
المايدرون...حسين ابسورة الماعون

أرسمك ماكو يمك خيل
اوبعيونك سواد الليل
~~~~~~~~~~~~~~~~~~~~~
أقرب صورتك وبعد..بس كلبي شكثر ينشد
يفز حتى الظوه يحسين..يم عباس اذا تگعد

تتسابگ النجمات وتريد اطيح
اوتوصل مسافه اوتستحي اتمر الريح
وانت تگله ياگمر شوف الكاع
فرحانه من اجدامك ابنشوه اتصيح

خويه الزين ...تعال ادنه طب بالعين
اشمك وين ..وانه حسين وانته حسين

تحت جفك نجوم سهيل
اوبعيونك سواد الليل
~~~~~~~~~~~~~~~~~~~~~
أطار الصوره شو شيب..رسمتك تحجي وي زينب
وتكلك يبعد الروح..اوكلشي بصفكم يحدب

ومخالف الضلع ابضلع من تحجون
محد سمعكم اضن جاي اتخلقون
عود انه أرسم والقلم ظل محتار
ثاريكم انتم الي جاي اترسمون

شنهو الصار ....طلعت من صوركم نار
شفت اخيام...اوبالصوره يتامه ازغار

ضعن بالغربه ناوي الشيل
اوبعيونك سواد الليل



عبد زينب
محمد الابراهيمي























30


ــــــــــــ◐◐◐◐◐◐◐◐◐ــــــــــــــــ


حسين ...ماشيه بنويه
حسين ...اعتذر سبيه

****
مچتوفه عالهزله وبصدري الف عله هذا الوكت خله
بيدي الحبل

ياخويه ماادري شيضم بعد دهري ياعبرتي بصدري
من الهزل

مودع الله برمح راح امشي وي راسك
بكربله مطشره عالغبره احساسك
ريت نفسي انگطع ولا گطعوا انفاسك
بصدري ريت السهم ولا كل سهم جاسك

جرحي بللا من دمه جراحك
صوطه عللا وطگني ذباحك

اشگف بطگته والحبل عتته

حسين ...آنه ورقيه
حسين ...اعتذر سبيه


******

ياخويه كل خطوه من هجرك اتلوه ومن شاهدت حذوه
بصدرك قست

عفتك على الغبره وبنحرك الحسره وبچفي الجمره
الهزل مشت

التفت عالجسم وچفوفي مرفوعه
التفت عالرمح وبشيبته دموعه
ضعنك بيا حزن ضايگ الف لوعه
نمشي واحنه بتعب والوگفه ممنوعه

همي كربلاء والذكره محروگه
نامي يادماء وانفاسي مخنوگه

نامت احلامي بذكرة اخيامي

حسين ...والله رزيه
حسين ...اعتذر سبيه

***

نامت عيالاتك بهزله بنياتك
سكنه ورقياتك
يبچن صمت

بالنضره يحچلك وبالسكته يبجلك
شوگ ويودلك
الكلشي شفت

شفت يتراگضن ويصيحن الحگنه
بويه من الضرب متنه وتالمنه
وحتى من الجمر مجويه چلمتنه
كلشي نار وخيم محروگه نضرتنه

يااخي الصياااح صافن براسي
يااخي الرياح بالترب ناسي

شفتك گبالي والترب عالي

حسين ...صاير دمييه
حسين ...اعتذر سبيه

**

الكوفه طبينه ومشدوده ايدينه
اهنا يوالينه
ضگنه السبي

مره السبي ايامه يلعاري هندامه وفلوهه العمامه
عمامة نبي

عالرمح يابشر صعبه وتضربونه
بالعصي وبالحجر وبجرحه تلجمونه
هو شابع سحك ومورمه عيونه
كافي من الضرب ليش وتاذونه

اظلم النهار. خويه بعيوني
ملتقى الحجار خويه بمتوني

يابو جسد عاري ماتن اكتاري

حسين ...صاحوا عليه
حسين ...اعتذر سبيه

*******

ياخويه مخنوكه وبالشام وبسوكه وبكلشي مطكوكه
اي يلأخو

عالظهر من ضربوا شياب من هجموا لاعرب لاخجلوا
ولاهم بدو

للقصر من فتت والراس ويانه
اعتب اعله الدهر ليزيد ودانه
وراس اخوي الگمر يامكثر احزانه
عينه بيهه السهم بس تبچي لبچانه

يااخي الكفيل حزنك شطوله
ياحمى الدخيل. روحي معلوله

كلبي خلص صبره مو متت والزهره

حسين ...عيني ربيه
حسين ..اعتذر سبيه


عبد زينب
محمد الابراهيمي

24

ــــــــــــ◐◐◐◐◐◐◐◐◐ــــــــــــــــ


كل شيبه البراسك عزه من كثر الونين
باليوم تكبر جم سنه من تسمع حسين
ماتوا اهلك من وكت
كلشي منهم ما شفت
ومدري وين انته غبت.......من كثر الونين
...........................................................
سافرت وحدك وما گلت انته عدمن.....فارگتني
وين فارش طولك ومتبدي يمن...........حيرتني
منهو يبجي وياك كلي وفزعتمن.......عذبتني
بينه محد گال لرقيه انتي بتمن.....بس أخذني

ما بادي عمرك بس خلص مابين الگبور
يوميه ناصب جادرك من غير عاشور
جرحك اكبر معجزه
عمرك انته شجم عزه؟؟
اوين گلي سافرت.......من كثر الونين
.......................................................
بحالتك يم كل گبر بس الله عالم......شنهو وضعك
شموعك التشعلها خاف شموع جاسم...دمه بشمعك
جبت عمرك خوفي عالتربان نايم.....يجري دمعك
ويمكن من الطف لحد اﻻن صايم.....شلون اسمعك

ابراسك أيتام اعطشت نوح وبجي هواي
ايگوم ساگیها ويگع چي باگو الماي
ومن رگض صوب الخيم
ﻻبد لعينه سهم
وصاح يازينب طحت...من كثر الونين
.........................................................
ادري كل ليله تموت بجرح جدك....هواي صعبه
ويمكن ابﻻ فيي نمت بالشمس وحدك. ..بون تنحبه
اشجم سنه مرت ومهضوم انته بعدك. ..تقره ندبه
لسه من تسمع حسين أتجوي خدك.....متت عگبه

بالألم ﻻ ماتكتفي ودموعك تسيل
تدعي اعله صدرك كل فرض ارزقني جم خيل
خيل عشره وبالظهر
كون تسحك عالصدر
وللحسين شكد نحت.....من كثر الونين
........................................................
عشت كل عمرك وحيد اشگد بجيتك.....ليمتى رايح
علگت چم صوره ﻻعزازك ابيتك......أوين طايح
هواي ماتولك يمهدي وما اجيتك.....هم تسامح؟ ؟
وين اضم وجهي اني منك لو لگیتك...يا ابو صالح

مو مثلك احنين گلب....گايدني شيطان
يلتنطي ثوبك بالبرد لو شفت برادن
انته وين واني وين
دفو اتوزع يلحنين
واني بذنوبي اسرحت.......من كثر الونين
.........................................................
يمتى تخلص سفرتك من المگابر...كافي وحدك
عذر ماعندي اگوله غير باجر....وانته بعدك
وسيدي من هسه متحضره الحوافر....لصدر جدك
احزب واطلع قبل ليلة العاشر.....بالي عندك

لليوم گلبك ما برد بي حسرة واﻻﻻم
كل عام تسمع بالحرك مطلوبه الخيام
خوفي اموت وماتجي
ناذر افزعلك بجي
ادعيلي بيدك لو متت.......من كثر الونين
...................................................
احمد ماجد الكﻻبي





















25



ــــــــــــ◐◐◐◐◐◐◐◐◐ــــــــــــــــ


نَهضه حُسينِيه والرايه بَدرِيه

وَعَد وَعد وَعَد وَعَد يأإمامي

***************************************************

تَنفِيــذ إلرِسالــه إمــن إلسِبِــط عِندي

أنـا إلقــائِــد عَليكُــم وَأفـتِـخِـرجُـندي

نِطيت حسين وَعدي وثابِت إبوَعدي

أضَحي بِروحي آنـــه ونَهضِته أبدي

روحي فِدآئِيه والرايه بَدرِيه

وَعَد وَعد وَعَد وَعَد يأإمامي

*********************************************أنـا إنـطـيت الوعـد واللـه لبن عَمي

عَـجيبه إشلـون تِردون أبخل إبدَمي

آنـا إلـبيـت الهـواشِـم يالرِدِت إسمي

قَراري ما أبدله إشما جِره إبجِسمي

غيره حُنَينِيه والرايه بَدرِيه

وَعَد وَعد وَعَد وَعَد يأإمامي

***************************************************

سَـفـيـر حسيـن آنـه وأعـلَـم إبسِرها

إتجاهي الكوفه واللـه أو ما أغَيرها

عَشره إمن البِحور إتصير أعبُرها

أنـا إنـطيت العَهـد لحسين أحَرِرها

إلكوفه شِيعِيه والرايه بَدرِيه

وَعَد وَعد وَعَد وَعَد يأإمامي ***************************************************** مُـهِـمـة هـالـسَـفاره وأفتِخِر بيها

مَـصاعـبهـا شَـهـد والـله أدريها

رِساله مِن إمامي إعليكُم أقريها

يِـتـوَجَـب عَـلـيّا الكوفـه أصَفيها

والنِسبه بالمِيه والرايه بَدرِيه

وَعَد وَعد وَعَد وَعَد يأإمامي ********************************************************** بَـيـان حـسيـن مـا كوله ولا أذيعه

وحـك حـيـدر أبـوه أو أُمه لِودِيعه

مَعصوم أو إمام أو واجِب إنطيعه

سـؤآلـي إيـكـول إلـمـن رِتُم البيعه

إلبيعه غَديريه والرايه بَدرِيه

وَعَد وَعد وَعَد وَعَد يأإمامي

********************************************* أنا لحسين أمَثله إبمَنهجه أو فِكره

إذا إنطيتـو العِهـود إنقيمها الثوره

شِـعار إيكون نِطلُب حَقها للزَهره

متهمنا جيـوش الطاغيه أو قَصره

نِنهي إلعِبوديه والرايه بَدرِيه

وَعَد وَعد وَعَد وَعَد يأإمامي ***************************************************** إتفاق إلليل وِأنتو إعرَفتو مَظموني

نِـطيتـوني الـعِـهـود وهـذا بِظنوني

بـس طَـر الـصَباح السَبب عِفتوني

أشـبـاه الـرِجـال إتــشاهِــد إعيوني

إلجِلمه رِجولِيه والرايه بَدرِيه

وَعَد وَعد وَعَد وَعَد يأإمامي ********************************************************** وِحيد آنا أو إلآهي يِنظُر أو حَسبي

غَـريـب الكـوفه ضَيَقتوعليّ دربي

شِـفـت تِعـدآدكـم لا مـارِجف كلبي

أنا مِـن بيـت طوعه أَعلَنِت حَربي

خُطه جِهادِيه والرايه بَدرِيه

وَعَد وَعد وَعَد وَعَد ياإمامي

خادم الحسين حاتم ماشاءالله الكاظمي





























26



ــــــــــــ◐◐◐◐◐◐◐◐◐ــــــــــــــــ


وديلي قميصك خل أشمة
يا يوسفي وبكل لهفة احضنة
قميصك بوية يكفيني
يردلي العافية وحيلي
يبوية يبوية
*********************
وديلي قميصك هذا يكفيني
يبوية وهجرك يكصرلي سنيني
غيابك يالابو كطع شراييني
وطبع اليحب للمحبوب بي لهفة
*****،*؟*،**،********
غيابك بوية تعرف حيل ياذيني
مثل طيف انتضر يابوية تلفيني
وردة وجيتك يالغالي ترويني
لون تنضرلي الخاطر اكسرة
********************
أضل انطر يبوية جيتك عالباب
يبوية ارسل سلامي وية ريح الهاب
طلع حتة الهوى والباب جذاب
من اسمعنة اكومن واركض بهمة
#####################
وديلي قميصك حتة إذا بي دم
ودي ليه اريدن منة اشبع شم
اريد بلهفة اشمنة ويزيل الهم
يعقوبك يبوية وزيلي العلة
==========☆☆☆==========
يبوية من رحت وبقيت وحدي
صارت سلوتي عالخد دمعتي
زادت من بعدكم بوية علتي
وكل ساعة الأمر للرب أسلمة
☆☆☆☆☆☆☆☆☆☆☆☆☆☆☆☆☆
☆☆☆☆☆☆☆☆☆☆♡☆☆☆☆☆☆
من سرة ضعنهم عيني تنضر الهم
من مشو هلي تجري دمعتي
وادعي ربي ردهم
&********************
من مشو كل الحبايب ماخذوني
روحي انمردت احس من ودعوني
بعالي صوتي صحت بس مايسمعوني
كلبي حس بالخوف جنهم مايجوني
شيردهم الي بقيت لوحدي
دمعي صب لجلهم
***********************
من مشو عني وبقيت محيرة
جسمي ناحل صبح يابوية ترة
يالخذيت مخدراتك انة هم مخدرة
وياك خذني عليك جدي حيدرة
اقسم بعلي جدي الولي
بعد الي شيردهم
-------------------------------------------------
من مشو ضليت اناطر عالدرب
الراح والجاي أسألة ودمعي يصب
دمعتي كامو يشوفوهة الغرب
كمت اتخيل اجيتو الداركم لمن اطب
صعبة حالتي زادت علتي
من انضر صورهم
------------------------------------------------------
سافرو واتركو بس الذكريات
أذكر هنانة كعد وهناك بات
والدي واجتمعن كبالة الخوات
هنانة عبد الله أذكر وكل الصفات
هنا ناغة الي هنا اسمع بجي
الهج بذكرهم
----------------------------------------------------------