سوالف قديمه

يسولفون وحده زعلت ويه رجله راد منه الزلمه يمعوده اتعوذي الشيطان گول ما رضت تبقه ومن الصبح صرت اهديماته وزعلت ونحرت لهلهه ... يوم يومين ثلاث گامت اتحوص وتسولف لامه شوفيه اشلون لا نشد لاگال امريتي خل اروح ارده ! امه گالتله اذا اچه يردچ لا ترضين بساع لوعي گلبه اشوية ...
المهم وره خمس تيام ويه مصيفران الشمس وهيه واگفة على التنور اتشنگلها بچار خبز وعينه مشبوحة للدرب ولن هذا زلمته يخط برجليه ..
گول كملت الخبز وسوتلهم عشه وشربو چاي . زلمتها سولف وياهه گالتله ابد ما ارد اوياك حرمص راد ما رهمت على اساس اتريد تضبط روحه اشوية گاله بكيفج وراح نام ...
بالليل البت گامت تحوص وبطلت الزعل وصار رايها الصبح تمشي وياه .. امها گالتله ارگدي ولچ اعوينت ابو اصلچ الصباح رباح ..
گول الصبح سوتلهم ريوگ ( صينية بحت ) والعاده انو الدهنه الحره يخلونها فوك البحت وبنص الصينيه .
ابوهه گاله بويه هذا فلان جاي اني اگول اتردين لبيتچ وفريخاتچ وهو بعد مايزعلچ .
گالته بويه اني غير ساكته ما اسولف غير چوياته نابتات بگلبي تره دگايگه وياي هوايه وهيه تسولف تخط باصبعه بالبحت وتعدد وحده منهن يشتمني والاخرى ايطگني والثالثه شالع گلبي ومرمرني بويه زلمه ماينحمل ..
ابوهه ذكي يتباوع لن هاي تخط بصابعه وخلت الدهنه ساحت كتر رجله گالها...
بالبحت هاي شخوط عملاته طاحت
ذنبي اني وامج ليش دهنتنه ساحت
بويه اذا بعد ذني السوالف رد وسواهن الا اخذچ منه واحوسه حوس ها اها ...وخبط بيده الدهن ويه البحت هيه من شافت الحجي هجي صار خنست وگامت لمت غريضاته وكورتهن فوك راسه وذنعبت وره زلمته ......https://www3.0zz0.com/2024/05/09/07/582607152.jpg