سوالف اهلنا

يسولفون اهلنه على واحد اسمه باني من اول ماصار ماعنده خشم بس زرفين
كبر باني بالسلف وصار شاب ورادت امه تخطبله مره بس محد قبلت من بنات السلف تاخذه لان مو حلو وانوب بدون خشم
آخر شي امه راحت تخطبله من غير طايفة
وصفولها بيت وراحت عليهم وخطبت وكبل الناس تنطي بدون شوف على الصيت شكلك هذا من الطايفة الفلانية وذول خوش ناس معتبرين
تمت الخطبة وماحضر باني
من سألو عليه الناس كالتلهم والله وليدي يستحي
خلصو وصار العرس وهم ماحضر بالزفة وهاي عادي كبل موشرط العريس يحضر
زفو العروس وخلصت الطربكة والبزخ وزفو باني ودخل على العروس
وهنا الصدمة العروس اخترعت من شوفة باني
وباني لمن كشف العروس ونزعها الشيلة لكاهه كرعة ولاشعرة !
ركض باني صاح لامه كلها يمه تعاي شوفي الطركاعة
عاينت امه تشوف العروس گرعة عاينت على ابنها شافته بلا خشم
هنا هي هوست
مصايب ياعرس باني مصايب
اشد خشوم لو اشدن كصايب
هسه احنه مدري منين نتلكاهه ياهو اليجينه اطكع من الثاني وبقت بس
(لكاكا وكلمبة وچليب الماي )