ابوذيات حديثه

جيتك يل احس انك وناسي
ولجلك عفت كل ربعي وناسي
لكيتك شو تحب غيري وناسي
لكلب يهواك ما حطلك اذيه

زينب بكل جبل شامخ رسلهه
جدهه المصطفى خاتم رسلهه
رسالةوفوك شلالي رسلهه
لأخت عباس سبع الغاضريه

جمال وجان عندك كله فتنه
واجب رغم حجيك كله فتنه
تدري شكد فرگتك كلفتنه
مثل الراح دفان بأخيه

دوم انشد عليك ألراح والرد
ألوفه منك نبع والطيب ورد
ردت منك جواب إلهاي والرد
أعزالناس مايسأل عليه ¤

ماأدري شكتبلي الدهر شمله
يشتت بالصديج اليلم شمله
‏إلي صاحب سنع والأصل شمله
يفركنه الدهر ونرد سويه¤

النوك من الحنين انحت وبرها
وبحر دنياك مالمني وبرها
مخايط دنيتك كلها وبرها
ابد ماتسد جرح كلمه رديه¤

قلبي إنته ملكته وإنته حربيه
عليل وطبه عندك وإنته حربيه .
كاس السم أشربه وأنتحربيه .
من غيرك يمس أطراف إديه ¤

صدلي وصادكلبي صيد منصد
رماني وصاب صب ارصاص منصد
صلب كلبه علي الصاد منصد
صعب يصبح صبي صيده صبيه¤

دهاك جروح كلبي.شلي بيــــــــهه^
جميع عظاي صارت.شله بــــــــيهه^
عكب فركاك روحي.شلي بـــــيهه^
اود ملكاك لو بيه المـــــــــــــــنيه^

سفن حبك بشواط الروح شرعا
واسهم حبك بنص حشاي شرعا
اريد مذهب يحل البوس شرعا
واذا ماكو ارد للجاهليه

كلبي مايريد وياك_منكر
يخاين للجميل اصبحت_منكر
نكيرك كلبي صار وروحي_منكر
نضاعف كل خطيئه بسبعميه

كمت ماشوف دربي_من حوالي
ظيم انملت سلتي_من حوالي
قدر مكتوب تعبي_من حوالي
كبل لا انخلق مكتوبه ليه

من مثلي عطش لهواه_من ظم
ولغز حبك بوسط الكلب_منظم
جذب مثلي بشر مر بيه_من ظيم
اظن الظيم لايك بس عليه

يموت الكلب لوشافك ورباك
وجثير شكد تعب لجلك ورباك
ابد مايوم احب غيرك ورباك
واظل مجنون بيك وهاي هيه


وآنه المشتاق لعيونك قدر ما
مثل عطشان وبعازة قدر ما
اذا مكتوب يحصلي قدر ما
منشوفك تندفع عني البلية.

لابد ما الك عالدرب مرات
واخبرك باليالي شلون مرات
مو مرة خنت وياي مرات
وهم عندك أمل ترجع اليه

شتظر ايام عدرك بعد خظر
انعفن كلبي بكثربلواك خظر
الك خنجر بظهري انزرع خظر
خناجر هز غصنه طيح بيه¤


خاين والكلب مايوم درباك
ومن قمه عليه الظيم درباك
صرت كاع وزرعت اورود درباك
طلع جدمك ملح ودوس بيه¤


كأن نار استعركلبي كوارث
عليك ولو متت همك كوارث
الك بيه شكثر صارن كوارث
ازغرهن صفت بركان بيه

يمن حنظل ولك بجفاك ورديت
ورحت مره بطريق الفرح ورديت
كلت ماموت كوه مت ورديت
وطلع حته الكبر ملغوم بيه

يميني لوتعده اشمالك انته
وبس كلبي ملكته شمالك انته
ابوسك ماردتني اشمالك انته
دحسبهه بشقه وغلس عليه

أكض حبل الصبر يفلت عنانه
ولامره الفرح مرنه عنانه
جاي اشلون تسألني عنانه
وانه جيت أسألك دليني بيه

حبيبه ومايعذبه توه جاني
وفزت بحبه أول توجاني
وصار اسنين أتاني وتوه جاني
حسباله جذع ونتجه عليه

ما انصح بعد ماكول ماعاض
يعوضني زماني وجذب ماعاض
مو قصت تبت ونوب ماعاض
كثرماعظظت خلصت اديه

علي قانون هجره هوه سنه
وطك صبع وكتنه هوسنه
انه الشيعه صرتله وهوهسنه
وظل بعينه يذبح عل الهويه

عقد ياقوت ذرعانك وفضه
على المخلوق طش حسنك وفضه
حسابي وياك أريد اكعد _وفضه
وأحجي اللي علي والموعليه



شخلص يافرح وشوكت شفتك
وتطوكت بغرامك حين شفتك
مريض انه ودواي بطرف شفتك
تصل لشفاي رشفه من المنيه

تبخر نهر روحي سلحفاتي
وعن وعرة دربهم سلحفاتي
هم تسبك ارنبهم سلحفاتي
وهي محمله بلوك ميه

روى الزيتون من دمعي
ولاراك
لغيرك مانحل جسمي
ولاراك
أخاف أطول غيبتكم
ولاراك
وكبل وصلك تبادرني المني

أنا الصياد صادتني شبكتك
أدخيل الله شكثر حلوه شبكتك
ادك اعليك مشقوله شبكتك
اظن مغلق جهازك بس علية::

صرت دم المشه بداخل وريدك
ومثل متريد مشيني وريدك
فراكك حيل مرمرني وريدك
على اجروحي تدوس بلا خطيه

انا دمك التارس وريدك
احبك كلي تعرفني واريدك
سائل واطلبتك منك وريدك
شتنطيني انعملله وهاي هيه

مرضت انه وصعد مرضي علشفاي
وطب لندن فلا يحلك علشفاي
حبيبي من تحط شفتك علشفاي
أطيب وكل مرض مايبقى بيه

جفت وعيوني ماظنهه تراكم
بأسى وعتاب لبصدري تراكم
الحزن من شالوا احبابي تراكم
بسبب جتالة فركتهم عليه

ضلوعي والحدرهن يالمني
وأظن عكلي يصاحب يالمني
على عيني سطرني يلمني
غريب اشلون مايشتمت بيه

اجروحي بروحي خفيه
من يراهن
اعيوني وعمت الكم من يراهن
بعد يومين اموتن من يراهن
اذا مامتت عوده أعتب علية

شمالك بيه مافد يوم حسيت
وأحس جرحك بماي العين حسيت
تدري بيوم عني ارحلت حسيت
العمر وي روحتك راح من اديه

ببعادك صفيت أشبه خرابه
وأحس بيتي على وحشه خرابه
يوم أليكضي من دونك خره بيه
الموت أهون ولا بعدك عليه

مفارك والليالي سنين مرن
وعلي صاير لذيذ الزاد مرن
طفر كلبي على النقال من رن
لان حسيت روحي أدك عليه

شفتك كمت ما اشوفن ولاحد
وخريطه عليك متكظني ولاحد
بموتك انه ما ابجي ولاحد
اريد وياك تاخذني المنيه

شفكن من هواكم بعد شفتك
وعلى طفر عسل من حجت شفتك
طحت كلي على كلي بيوم شفتك
دكظني مو طحت كلي عليه.
تعال احسب بهمي عده انته
وكلبي شعده غيرك عده انته
ازعل الناس كلهه عده انته
_لأن زعلك يزعلني عليه

دحوك بثوب حسنك ونسجنه
بجهنم حبك ارضى ونسجنه
انحبسنه بقفص عينك ونسجنه
وتحط رمشك كلبجات بأديه

هجم حبك على اسنيني غزلهه
وروحي بمغزل الحسره غزلهه
رسايل بس الك يحله غزلهه
يبو طبع العسل عينك عليه

رخه جسمي بمحبتك من رخصتك
واسومن بيك غالي من رخصتك
دست فوكي دكلي من رخصتك
حتى براحتك تسحك عليه

اهلال افراكم روحي وهلها .
ودمعتي مره أكفكفها وهلها .
البصره وكل نواحيها وهلها .
..الوجودك فرحت اوادت تحيه..

جثير الهم على كلبي تراكم
وكصيتو وياي يحبابي تراكم
تود العين كل لحظه تراكم
ولو بالطيف مرتكم عليه