بحـث
المواضيع الأخيرة
أبريل 2024
الإثنين | الثلاثاء | الأربعاء | الخميس | الجمعة | السبت | الأحد |
---|---|---|---|---|---|---|
1 | 2 | 3 | 4 | 5 | 6 | 7 |
8 | 9 | 10 | 11 | 12 | 13 | 14 |
15 | 16 | 17 | 18 | 19 | 20 | 21 |
22 | 23 | 24 | 25 | 26 | 27 | 28 |
29 | 30 |
حول
مرحبا بكم فى منتدى موقع قبيلة البديرالعام للشيخ شوقي جبارالبديري
قبيلة البدير من القبائل الزبيديه
يـ كاظم مهجتي الهجـــــران عادمها راح الجان سلوى الها وينادمها
صفحة 1 من اصل 1
يـ كاظم مهجتي الهجـــــران عادمها راح الجان سلوى الها وينادمها
القصيدة تنسب الى الشاعر العامي عبد الامير الفتلاوي ، الا ان الشيخ علي الخاقاني في الحلقة العاشرة من كتابه فنون الادب الشعبي ،– ص 26 ، يذكر ان مؤلفها هو " الملا جابر " ، وبهذا وثق الخاقاني مرجعية القصيدة لمؤلفها الاصلي " الملا جابر " والخاقاني خبير في الشعر العامي العراقي .
***
راح الجان بيه الكًـلب يسله الداي
راح وراح شوفي وكثر نوح ابجاي
وحكًـ الزاد ما لذ زاد الي ولا ماي
عكًـب اغذاي من رشفة مباسمها
***
ذاك اغذاي جان وحيف مني راح كـمت ازفر واصك الراح فوكًـ الراح
اخبرك صاحبي اتبره وعدوي ارتاح
من شاف الـنــوايـح يـــدكًـ مـاتـمـها
***
يشتد ماتمي وبيت العزه منصوب
على ولفي ودليلي والعكًـل مسلوب
يكاظم ناحلة روحي بزفيري اتذوب
وصارت ببرة الخندوس تلظمها
***
روحي تذوب اه واه جسمي انحيل
عني راح ولفي ولا بكًـالي حيـــل
عنه تريدني العذال كًـلبي ايميل
شلون وصورته بحشاي راسمها
***
بدليلي صورته من الجهل مطبوعـة
شلون اترك حبيبي الحلــــو منبوعة
معاني اهل الحسن بس بيه مجموعة
يجل القلم بوصافـه من اترجـمـهــا
***
عكًـلي امن ارد اوصفها بوصفها يحور
جـبـيـن وجعد مـا والله التـكًـن بالـحـور
الشمس حلت بغرتها وضياها ايــنــور
لجن ليل الصدغ بالعكس يــظــلـمـها
***
لــيــل الصدغ يظلمها وفجر ينطر
من خده شعـــاع الشمس يــطـشـــر
سهم عينه انتصب وانتصب بيه الشر
ومن كًـوز الحواجب من يصل يمها ؟
***
خطر واليعرض بنفسه اعلى دمه ايدوس
او من عمره اليرشكًـة النبل رد مايــوس
جـــذب يــحــصــل مثلها بجنة الفردوس
غــريـبـة اوصـافـهـ وزيـها وعـلايـمـها
***
علايــمها غريــبـة او وصف ما يوجد
او عــجد عرنينها من مثمن العسجـــد
الثغر محبس وحكًـ صورة برة وابجـد
وازيـدك من شـراب الـمـاي مـحـرمها
***
محرمها شراب الماي ما تـكًـدر
حـلـو زي المباسم ليلو مسطــر
وجيد الها اعلى جيد الريم يتفخر
حلوة اعضودها ولفة معاصمها
***
حي حـلـو المعاصم والنهـد فــنجان
ودعي من الصحيح مشذر بمرجان
ختم قرطاس صدره بصورة الرحمن
وبــخـتـم الـنـبـي سـلـيـمـان خـاتمها
***
خــتـم تـاريخ طـره مفركًـ انهودة
وحكًـ مصحف جبينة واية خدودة
الموسط يكــاظـم فــتـــر وشهودة
ريح الـــصـبا بالـتـنـسـيم يجسمها
***
من ريح الهوه تـنـثـنـي اتميل اتلـين
ومن ضعف الموسط تنجسم نصيـــن
او لو كًـامت يـكاظم تكًـع ماكو امعين
شما تنهـض ثـجـيـل الردف لازمـهـا
***
من ثكًـل الردف يصعب عليها اتكًـوم
جـمـيلة مـعـدلة حلــوة طـبع ورســوم
يـكاظم غـــالـيـة محرم عليها الســوم
مـــــا واحــــد كًــدر والله يــقــيـمـهـا
***
جــيـف ايسومها وبالجعد تتعثر
ومن عدها يفوح المسج والعنبر
وتطريز الصفاح بشذر ينفي الشر
بزي دكًـ النسه الرحمن نـاظـمها
***
ناظمها الإله بغاية التصوير
مليحة وسالمة التقديم والتأخير
او لو عالم يراها وداخل التكبير
يـتـرك قـبـلـتـه وجـبـراً يكـلمها
***
يكلمها بخضوع ومن ضياها ايذل
مــعـدلـهـا الـكـريـم بـقـدرته اتعدل
الحجل بالساكًـ لا يصعد ولا ينزل
تــارس وبشحـيـح الجدم مكرمهـا
***
مكرمها بــشحـيـح الجدم ومسجـفه
وممدوح الجمال امتلت من وصفه
الحسن من يوسف ومن مريم العفة
بهوه لـيـلى العله مـجـنـون مغرمها
***
بهوه ليلى انصبت عين وصرت مجنون
واصحاب الرخـــه بالضـيـج يـتـبـــرون
اصيح الــعــون محد كًـال اجاك الـعـون
وهذا الغاثــنـي ولـعـضـاي سـاكًــمـهــا
***
سـكًـم اعضاي من نوحي ونحيبي اوحيد
جبدي انصاب وادري دواي عني ابعيد
داي الصاب جسمي شلون داي امجيــد
هــدم صبري وسويـــده احشاي ململها
***
يكاظم بالسويده الولم واعمه العين
يكاظم راح ولفي منين اجيبة منين؟
هـا روحي ثلث تيام هــا يـــومــيـن
هــا كًــبل الفـجـر يـكًـرب مـحـتـمها
صفحة 1 من اصل 1
صلاحيات هذا المنتدى:
لاتستطيع الرد على المواضيع في هذا المنتدى
اليوم في 2:14 am من طرف الشيخ شوقي جبار البديري
» العشائر العراقية ودورها التاريخي والسياسي
أمس في 2:29 am من طرف الشيخ شوقي جبار البديري
» دور العشائرالعراقيه في ثورة العشرين
أمس في 2:24 am من طرف الشيخ شوقي جبار البديري
» دور العشائر العراقية في حماية التجربة الديمقراطية في العراق...
أمس في 2:14 am من طرف الشيخ شوقي جبار البديري
» العشائر العراقية ودورها في التكامل السياسي
أمس في 1:52 am من طرف الشيخ شوقي جبار البديري
» الدور الاجتماعي للعشيرة في تحقيق السلم المجتمعي
أمس في 1:44 am من طرف الشيخ شوقي جبار البديري
» تاريخ االستخدام السياسي للهوية المحلية العشائرية في العراق
أمس في 1:19 am من طرف الشيخ شوقي جبار البديري
» أهمية الأنساب من الناحية الشرعية
أمس في 12:35 am من طرف الشيخ شوقي جبار البديري
» مصطلحات علم النسب المتداوله
أمس في 12:29 am من طرف الشيخ شوقي جبار البديري