ابو ذيات ابو معيشي

مقتطفات من أبوذيات أبو معيشي

( 1 )

ولا صحلك صديج ارشدك ودلاك
ابجليب اظلم تذب ارشاك ودلاك
ولا كلمن توده صار ودلاك
ابكلبه ولا صفتله اوياك نيه

( 2)

عليك وهملت اعيوني وساليت
يهاشم ناشد العالم وساليت
حسب ظنك نسيت انه وساليت
وراسك بالوسن تطري عليه

( 3 )

المصايب نحلتني الحيل واراك
وحك من خالج النيران واراك
بعد يوم الحشر وحساب وراك
والاعظم سنسله او سبعين اذيه

( 4 )

حادي البل سمع وني وردهم
جفوني اللي يحب كلبي وردهم
صار العرب يمعيجل وردهم
من دمعي اليكت فوك الوطيه

وقال ابو معيشي عندما احترق بيته مخاطبا الحاج سعود

( 5 )

يوم أكشر يحجي سعود يوماي
همت ما عاد اوجد ارض يوماي
هذا يصيح ذاك يهدم يوماي
الهلاهل للفزع تلحك عليه

وقال ابو معيشي

تهيم الروح عيب ادري شملهه
تون ولا فرح ساعة شملهه
مته يلتم بعد فركه شملهه
وتعود ايامنه الحلوة الزهية .

( 6 )

عليه او حرمت عيني وسنهه
زماني جرد اسيوفه وسنهه
وحك اللي فرض خمسه وسنهه
بعد هيهات عيش ايصير اليه .

الإثنين	الثلاثاء	الأربعاء	الخميس	الجمعة	السبت	الأحد
		1	2	3	4	5
6	7	8	9	10	11	12
13	14	15	16	17	18	19
20	21	22	23	24	25	26
27	28	29	30	31

مرحبا بكم فى منتدى موقع قبيلة البديرالعام للشيخ شوقي جبارالبديري

ابو ذيات ابو معيشي

ابو ذيات ابو معيشي