سالفة الحـــظ والبخـــت

سالفة الحـــظ والبخـــت

يگولون أكو واحد عنده أخوّه أكبر منه بس مكتفين بيه أخوته وعمامه من تصير طلابه يحلهه واخوته مايحچون الّه يحظر هوه ... أخوته صارو عدهم ولد كبرو گامو يطلعون بالمناسبات ويگعدون بالمضيف مرات يحچون يعني ينطون رايهم ... واحد من ذوله الولد گام ينافس عمّه بالحچي ... من تصير أطلابه لو ينجمعون اعمامه يتدخل بكلشي بس محد ياخذ برايه ولاواحد يمشي بيه ... المهم راح لبوه گاله بويه شو أني شكلي حلو ولبسي خوش لبس وخوش أحچي ليش من اسولف محد ينتبه الي والوادم كلهه عيونهه على عمي من يسولف
ف گاله ابوه صحيح أنت شكلك حلو وخوش تلبس وخوش تسولف بس عمك زايد عليك بثنين ماهن عندك گاله شنهو الثنين اجيبهن باچر ... گالة يبويه ذني مايجن بفلوس ولا بحيل صدر هذني ( الحظ والبخت ) يولدن وي الزلم اليركبه الحظ والبخت سالفته مسموعه وتمشي ربعه برايه والماعندة ذني يبويه مثلك تغير وي الغايرات ودومك مسبوگ ماتحصل بس التعب أخذهه من ابوك نصيحة لاتتعاله وي عمك…. وگاله :
اليفصّل هــــدم يختار بيــــه الزيـــــن
ولــوردت تكبــــر لازم بيـــك اثنيـــن
حـظ وبخــت يراد مرافچهن بكل حين
بالك مــن الزغــل تــــراه ديــن بــدين
لاتنغر بالهدم چم ملبوس مو معروف هوه أمنين
سالفتنه هسه بالبيت الأخير خوش نصيحة ...
لاتنغر بالهدم جم ملبوس مو معروف هو منين ..... مو يجيك واحد تاريخه وتاريخ أجداده ماكو دلة كهوة ولا فناجين بس عنده كم فلس لو صار بمنصب وصار يدعي الشيخه

سالفته اليوم كلهه رباط يگولون أكو واوي راد يشيخ على الأسد فجمع الحيوانات وگاللهم إني الشيخ من اليوم عليكم والجماعه ظل واحد يباوع بوجه الثاني وگالوله بطل هاي السالفه شيخنا الأسد أخذ أبو الويو يصيح عليهم ويجبنهم ويشتمهم وصل الخبر للأسد گالوله طلع شيخ جديد گاللهم منو گلوله الواوي ضحك الأسد گاللهم إني موافق بس يطبق قانون الغابه البقاء للأقوى فگالوله للواوي استعد للمعركه حددو يوم ونجمعت الحيوانات وبدأت المعركه والواوي يصول ويجول والحيوانات مذهوله من شجاعته وجرأته على الأسد والأسد لايحرك ساكناً والواوي كان متروسا سمينا وهو على هذه الحاله يضرب بالأسد ويركض ويتبختر إلى أن تعب صاحبنا وجلس وهنا نهض الأسد وجاء له وسحق على بطنه بكل قوته وإذا تخرج من دبره شحمه فأخرجها الأسد منه وإذا بالواوي ذليل يمشي مطأطأ الرأس وصاح بيهم الأسد هذا مسكين بي شحمه زايده وسلامتكم ماأدري عليمن جبناها (رحم الله امرأ عرف قدر نفسه) ولا يصح الا الصحيح

·
#سالفه من سوالف اهلنه ايام زمان وبيها ورباط ........
فد يوم اكو فرخ جاهل مشيطن راضع وي ابليس بي سوله مال بوك..الناس تجي تشتكي لامه.... يا ام الفلان ابنج باكنه..ونستخطيه لان يتيم ما تلزمينه وتخليه ايبطل هاي السالفه امه ما مقتنعه لحد ما ذاك اليوم باك ديج من جيرانهم .. من اجوهه يشتكون صاحبنه اركض للديج وكص رجليه... كاللهم عمي انتو ديجكم عندة رجلين وهذا ما عندة..المهم ما اطول عليكم السالفه ام عرفت سالفة ابنه كتلته ما فاد سجنته ما فاد..اخر حل وصفولهه سيد يقرأ عليه ويبطل من هاي السالفه ..اخذته ومشت للسيد وكعدت اتباوع عليه والسيد يقرأ على راسه شويه وكالهه هذا بعد من أيشوف اكنوز الدنيا ما يمد ايدهه...طلعت عود فرحانه واسولف على ابنه التفتت ما لكته صاحتله ولك وينك.. كالهه يم اجيتج مو نعال السيد جبير وما اعرف أمشي بي ( طبع بايك نعال السيد)
هسه سمعت هذا الفرخ صاير عضو بال... وعنده حمايه وجكساره وتاب بعد ما يبوك دجاج....
ملاحظة حبايبي مالكيت صوره للموضوع فاخليت صوره من يمي يعني، بين قوسين الصوره خارج الموضوع

·
#سالفه من سوالف اهلنه ايام زمان وبيها ورباط ........
فد يوم اكو فرخ جاهل مشيطن راضع وي ابليس بي سوله مال بوك..الناس تجي تشتكي لامه.... يا ام الفلان ابنج باكنه..ونستخطيه لان يتيم ما تلزمينه وتخليه ايبطل هاي السالفه امه ما مقتنعه لحد ما ذاك اليوم باك ديج من جيرانهم .. من اجوهه يشتكون صاحبنه اركض للديج وكص رجليه... كاللهم عمي انتو ديجكم عندة رجلين وهذا ما عندة..المهم ما اطول عليكم السالفه ام عرفت سالفة ابنه كتلته ما فاد سجنته ما فاد..اخر حل وصفولهه سيد يقرأ عليه ويبطل من هاي السالفه ..اخذته ومشت للسيد وكعدت اتباوع عليه والسيد يقرأ على راسه شويه وكالهه هذا بعد من أيشوف اكنوز الدنيا ما يمد ايدهه...طلعت عود فرحانه واسولف على ابنه التفتت ما لكته صاحتله ولك وينك.. كالهه يم اجيتج مو نعال السيد جبير وما اعرف أمشي بي ( طبع بايك نعال السيد)
هسه سمعت هذا الفرخ صاير عضو بال... وعنده حمايه وجكساره وتاب بعد ما يبوك دجاج....
ملاحظة حبايبي مالكيت صوره للموضوع فاخليت صوره من يمي يعني، بين قوسين الصوره خارج الموضوع

السلام عليكم
اكو واحد بدوي وعنده من الابل ماشاء الله وبيوم من الايام اجه عند امه وكالها يمه باجر نرحل من هالديره حضري حالج. ومن الفجر ركب امه على البعير وسار الضعن وبعد ما قطعو مسافه كبيره الحجيه شافت من بعيد ناس والتفتت لابنها وكالتله يمه شنهي هاي الناس؟ كالها يمه هاي سيطره وعدهم جهاز شكو وحده زانيه يكشفها الجهاز وياخذون ثلاث من الابل مكان الزنيه شتكولين يمه نطلع عليهم لو نغير طريقنه؟ كالتله عفه انه امك سوك عليهم
وبعد خطوات كالتله يمه فد يوم شلنه من ديرتنا اني وابوك وضنه عند احد الشيوخ الله لايوفقه وباليل صطه علي وصار الي صار وماكدرت احجي.
الولد كاله يمه ماكو واحد معصوم من الغلط فدوه الج ثلاث ابل وبعد كم خطوه كالتله يمه يوم من الايام والدنيا بارده وابوك بالحلال وحسيت لن واحد نايم بصفي ومن صار الصبح شفته لنه القهوجي وصارن ست بعارين وره كم خطوه كالتله يمه فد يوم..اهنا كاله الولد يمه بشريني يبقالنه بعير نرجع عليه لو ماكو..... مادري عليمن جبناهه الرباط عليكم

سالفه ورباط…
الشيخة حظ وبخت....
اكو شيخ تقدم بي العمر واخذه الشيب راد يختبر ابنه الوحيد ويتأكد من عنده
يصلح للشيخه من بعده لولا دز عليه وكعده كباله
كاله ابني اني كضيتها وي عمامك بالطيبات وطول عمري احجي حجاية الحك و مخلي
الحض والبخت كدامي واليوم اريد اختبرك ياوليدي وريد اشوفك تكدر عليها يو لا اخاف
عليك تضيع البخت وجيبلي المسبه بعد موتي
كاله يبوي عد عيناك اسئل واني اجاوب
كاله خوش إذا اني متت وجوك اثنين متخاصمين واحد خير والآخر
باطل شلون راح تحلها بيناتهم...
كاله يبوي هاي سهله اخذ من مآلات
الخير وحط على مآلات حشاكم الدوني ويرحون اثنينهم راضين
لأن الخير ينطي من مالاته
كاله ابوه عفيه عليك وليدي صدقت
كاله ابوه زين اذا اجوك اثنينهم باطلين شلون راح تحلها الهم
كاله هاي هم سهله.... أخذ من مالاتي وحط على مالاتهم وخليهم
اثنينهم يرحون.. راضين
كاله عفي عليك وليدي
كاله زين وإذا اجوك اثنين خيرين متخاصمين شلون راح تحلها
كاله يبوي الخيرين يحلونها بيناتهم وماحاجه يجوني
كام ابو الولد وحب ابنه ونزع اعكاله ولبسه الابنه وكله يبوي هسه ياله ارتاحيت..
رباط السالفه:
الشيخه حض وبخت وتأريخ عريق.. لابلنشر ولا بلفيس ولا بلملابس الحسنة المضهر ولا بلسيارات الحديثه والمضايف الكبيره…
ورحم الله امرأ عرف قدر نفسه

سالفه ورباط
سالفتنه
سالفة سبيل المعروف
اكو واحد عايش بالريف ونص الليل مرتة صارت عدها ولاده وين ينطي وجها والدنيا ليل، راح زوجهه لبيت جيرانهم
وگالة اخوي الحك المرة عدهة وﻻدة واريدك تساعدني وناخذها للمولدة ، الزلمة انتخه وكاله عدعيناك خويه شغل سيارتة واخذهم ،
الطريق چان طسات وهو يمشي بسرعة فالمرة ولدت بالسيارة ، و المولود مات بالطريق ، من رجعوا للبيت ،
زوج المرة ، راح الجارة كاله تعال افصلني ، ابني بسببك مات ،
گالة عمي انا انتخيت الك وانت الدكيت بابي مو اني
، كالة هذا الحجي يفيدك ما اعرف ، تفصلني
، گالة عمي هايه بلوه وخلينه انروح نفرضها وشيكول الفريضة انا حاضر بعد شتريد ،
طبعا (الفريضة) رجل يحكم بين الناس بالعدل وصاحب حظ وبخت و ضمير حي واله مكانته بالمجتمع وبلاش مو بفلوس المهم نرد السالفتنه كول
اتفقو على يوم محدد يرحون للفريضة ، راحو للفريضة وسولفو سالفتهم
، كاللهم عمي اذا فصلت بينكم من يمي تنتهي سالفتكم
كالو جا احنة المن جايينك ، كاللهم جا خوش كون هيج الحجي،
عمي انت ابو الولد تفصل السايق !!!
،كال ابو الولد هاااااااا
شلون چا انا فوك اني ما خسرت ابني واني افصلة
، عود هاي شيخنا شيسمونهة ؟؟؟؟
گالة عمي هاي يسمونهة گطعت سبيل المعروف