الشاعر ماجد السفاح

ترى امجدمة السفينة او حيدر الدافوع
والمراد يركب خله لايركب
يقين أيعض أصبعه او تاكله الحسرات
لان طوفان هذا اوما اله مهرب
احنه الفضلينه اهل الكسا أعلى الناس
لو قرأن هذا او نازل من الرب
ياهو الجابته امه بوسط ذاك البيت
وتشرف البيت اوصاح ياحياك ليه من طب
مو مريم كبلهه اعتنت ذاك البيت
من جاهه المخاض او حان وكت الذب
ناداها المنادي البيت للعباد
وبحالة ولادة البيت ماينطب
فرق بين ام علي وام عيسى صار ابعيد
وشكبره الفرق بين ابعد او اكرب
ذيج اتهز جذع وتذب رطب للكاع
ومتون التهز الجذع هم تتعب
واذيج ابلا تعب ظلت ثلث تيام
تاكل مستوي اومطبوخ ومرتب
...................................
من زغره علي حب الفرس والسيف
او عيد ايصير عنده ابساحة الملعب
ما طخ الصنم وا من وهو ازغير
اوكبرت هالسجايا اوياه لمن شب
علي الخندك شهدله اوشهدت الاحزاب
او يشهدله الحصن يوم الطبر مرحب
علي اتعنه العمر والباجي امدنجين
علي بكل موزمه معروف ومجرب
علي وتالي العمر ينكتل بالمحراب
وبدم الشهادة المرتضى مخضب
..................................
علي ماظل بعد لاشاره او مشروه
وما خليت مشرك للنبي يكرب
واسينه ابمحبتك سيد السادات
من صارت الشدة وصار وكته اصعب
او بعد وكت الخلافه اطوف بين الناس
خاف اضعيف حكه انوخذ وتسلب
خاف اضعيف حال ويستحي ايحاجيك
وتمنعة المهابة البيك من يجهب
علي ابكلهن جزاك اللوم يابو حسين
حصلت التريدة اونلت كل مطلب
علي نعتب عليك ابوحدة جي ماجيت
يومن ضعن زينب للعدو غرب
الكلمات الدلالية (Tags): ولاية الامام علي