شعراء الناصريه

أبوذيات لمبدعي ذي قار أتمنى أن تنال أعجابكم

أجلبك يليي جمع...... واطراح
تاره وتاره احش بالروح .....واطرح
اما يرجع كليم الله .........واطرح
قضيتي ونقل صوره وصوت اليه

رحيم الركابي

خــوة هالوكت مامش وفلهه
وتشج برماحهه بكلبي وفلهه
اعتني عنوة لطلايبهم وفلهه
وهم بطلابتي يشمتون بيه

ابراهيم طلب

اهنا يالجان طرفك .... لامحنه
ويظل جفي عله طيفك .... لامحنه
لاظلت شفاكه ........... لا محنه
الهلا شرخص الهلا وشحت عليه

حسين صالح

اي والكون الميثاق ..... والذر
الحرك ارحملي من جفاك.....والذر
الحكني مو حجي الشمات.... وذر
الجبد وامعط نياط الكلب ليه

وسام الحجي

شطر من كلبي اخذه..... ومنه خلتك
وبعد شترجه كاعد....... منخلتك
على الغربيل اعاين .......من نخلتك
طحت مني كبل لاهز اديه

علي حسن القصير

هفه يوتار ماغيري..... لـــــــــهمجان
وغذاجن من لحم ظهري ....لهمجان
السهام المالكت بيه .... لــــــهمجان
انبتت فوك السهام الاوليه

عباس العبادي

برجه النايح دليلي هيج .... ريـــــلاك
تجي وسجة ضلوعي درب ..... ريلاك
اعله واشك من تحط ياترف...... ريلاك
جروحي اغماك لاتنهطر بيـــــــة

عمار الموسوي

جفاها وشال عنها الفرح...... ويلاه
روحي وخاوت اللوعات ......ويلاه
نسوج شمالهم ياروح .......ويلاه
دبك مابيج اكول اكطعوا بيه

حيدر الحمداني

يظل عكلي بشلل فركاك..... منشال
وها كلبي درع مدروع....... منشال
جنت وياك مثل الجبل ...... منشال
الليله تراب ويذرون بيه

رحيم الركابي

سرن بعدك ليالي الفرح..... وجفان
المصايب فوك راسي وكوف...... وجفان
دمعتي انه شتكضها عيون....... وجفان
ميهره تكول مهره تغير بيه

محمد الجراح

عشكت الهم واحب ونين .... وهواه
إلى أن ظاك بيه الكون..... وهواه
موش آنه الينام الليل....... وهواه
ابحظن غيره ايخسه من لام بيه

علي عماد السعداوي